>خواطر عشوائية

>

كالعادة .. إحنا متخصصين فى صناعة أشهى الأطباق ثم نبوظها برشة تراب قذر على سطحها .
المطلوب من الجيش اللى ماسك البلد بقاله اقل من شهر :
  • إقالة حكومة شفيق بالكامل .. طيب يجيب مين غيرها ؟ الله اعلم !
  • إسترجاع أولادنا فى ليبيا حتى لو أدى الأمر للتدخل العسكرى .
  • حماية أمن مصر الخارجى .. وهو المهمة الأولى للجيش بلا منازع .
  • إلغاء جهاز أمن الدولة بالكامل .
  • حفظ الأمن والأمان الداخلى .
  • ترحيل حسنى مبارك وعائلته من شرم الشيخ .
  • محاكمة الفاسدين فى الحكومة .. أى تأخر فى محاكمة أى مسئول تعرض الجيش للإتهام بالعمالة .
رأيى الشخصى :  إذا كانت كتيبة غزوة بدر  بُعثت من القبر علشان تمسك الأمور فى مصر مش هتقدر تعمل كل ده فى الفترة دى .
الشرطة العسكرية تضرب المحتجين فى التحرير بالعصى الكهربية .. الجيش يعتذر .. الشعب يطالب بمظاهرة مليونية .
رأيى الشخصى : أنا ضد التظاهر . أيضا ضد ضرب المتظاهرين . أقبل إعتذار الجيش وأتعشم فى مستقبل أكثر إزدهارا من غير الحوادث الصغيرة دى . وياريت الناس اللى بتسخن تبطل تسخين لإن العمليه والعه خلقه !
ظابط شرطه ضرب نار على مواطن بعد مشادة كلامية .
الظابط : كنت بضرب نار فى الهوا لكن المسدس شد طلقه تانيه لوحده وطلعت فى رقبته !
السواق : قولتله انت ليه بتشتمنى ؟ إحنا دلوقتى فى عصر تغيير ومينفعش تعمل كده راح ضاربنى بالنار !
رأيى الشخصى : الإتنين كدابين !
رأيى الشخصى : مجرد تهديد الظابط بمسدسه الميرى لمواطن جريمه حتى لو مضربش ولا طلقه .
رأيى الشخصى : الناس عاوزه تركب على الداخليه كتصفية حساب والداخلية متوعده الشعب لإنه أحرج موقفهم وأجبرهم على الهروب .
مدير أمن البحيرة يتوعد المتظاهرين ويقول لهم : احنا اسيادكم وهنضربكم بالجزمه
رأى الشخصى : فى مشكلة بين الشعب والشرطه .. الشعب مش قابل عودة الشرطه وهيتنطط عليهم .. والشرطة حاسة بالغيظ من الشعب والجيش وعاوزه تطلع ميتين أهل ده وده .
الحل : تغيير قيادات الشرطه بالكامل .. وهو حل صعب جدا .. ممكن تغير وزير لكن صعب تغير كل القيادات من عقيد وطالع . متهيألى دى أصعب مشكله بتواجه مصر حاليا .. وجود الشرطه حيوى .. وصعب فى الوقت نفسه .
حكومة تكنوقراط – حكومة إنتقالية – مطالب فئوية – ثورة مضادة – تدخل خارجى
ياريت نفهم المصطلحات دى قبل ما نتكلم عنها .. استعين بجوجل علشان تعرف انت بتتكلم عن ايه بدل ما تردد كلام الناس التانيه بتقوله وخلاص . انا شخصيا مكنتش أعرف يعنى ايه حكومة تكنوقراط غير النهارده .

One Response to “>خواطر عشوائية”

  1. قهوة بالفانيليا - شيماء علي Says:

    >انا تعبتو الله تعبتمابقيتش فاهمة حاجة خالصفعلاالاوراق اتلخبطتو انا ضعت في النصمش فاهمة مين صح و مين غلطمين صادق و من كذابمين بيمثل و مين مؤمن بقضيته فعلا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: