>لما إشتغلت فنى ألوميتال

>

عندما شعرت أن دخلى من العمل فى مجال الصحافة والسياحة لا يحقق لى الدخل المادى الذى أتوقعة والذى يوفى إحتياجاتى ، قررت أن أستغل فترة ما بعد  الظهيرة وألتحق بعمل إضافى لزيادة دخلى .

قررت أن أتبع إسلوب التفكير الغربى وبدأت فى التفكير فيما أحتاجه من وظيفتى الجديدة ، ووجدت أننى إستطعت تحقيق وضع إجتماعى ومعنوى متميز فى وظائفى الحالية ، وأن كل ما أحتاجه هو وظيفة بمرتب ممتاز وتراعى ظروف عملى الصباحية .

كنت أتحدث مع مجموعة من أصدقائى عن هذا الأمر أثناء جلوسنا اليومى على إحدى (الكافيهات) ، كان أصدقائى من أنماط إجتماعية ومادية وشخصية مختلفة .. ممثل شاب ومهندس كمبيوتر وثالثنا كان (محمد مرجان) فنى ألوميتال … قال لى : إذا كنت تبحث عن وظيفة مربحة وسهلة وتتوافق مع مواعيد عملك الحالية ، فإن وظيفة فنى الألوميتال هى الأنسب لك .

–    يانهار اسود ! فنى ألوميتال ؟ يعنى بعد ما كنت صحفى كبير وكمان شغال فى مجال السياحة عاوز تشتغل (صبى) على أخر الزمن ؟!

هكذا قال محمود صديقى الفنان الشاب .

–    أولا هو مش هيشتغل صبى .. وثانيا ماله فنى الألوميتال يعنى ؟ مش بنى أدم زيكم ؟

كان هذا هو رد (سمير) صديقى مهندس الكمبيوتر .. كنت صامتا أراقب نقاشهم وأحلل رود أفعالهم .. بعد قليل قلت لهم :

– الشباب المصرى لما بيسافر برة بيقبل يشتغل فى وظايف كتير ممكن تكون أسوأ من دى كمان مقابل إنه يعمل دخل كويس ينفعه لما يرجع مصر .

– الشغل برة غير الشغل هنا .. برة مش بيبصوا للوضع الإجتماعى وبيعتبروا أى شخص بيشتغل أى وظيفة بتحقق دخل كويس إنسان محترم .. لكن فى مصر .. وضعك الإجتماعى هو كل حاجه حتى لو مكنتش لاقى تاكل !

– لكن إحنا طول الوقت بننتقد الوضع ده ، وبندعو لتغيير نظرة الناس للمواضيع دى ، ليه لما نيجى نطبقها على نفسنا بنفكر بنفس إسلوب المجتمع اللى بننتقد إسلوبه فى التفكير ؟

– لإننا إتربينا على كده !

– وتربيتنا كانت غلط .. ومجتمعنا كان غلط والأمور دلوقتى غير الوضع زمان .

– بيتهيألك !

هكذا قررت تجاهل المعارضين لقرارى وإتفقت مع (محمد مرجان) على أن أستلم عملى معه من الغد .

وفى اليوم التالى ، وبعد إنتهاء فترة عملى الصباحية ، عدت للمنزل وإرتديت ملابس تليق بـ (بهدلة) العمل الجديد وإستعديت للنزول .. وأخبرت أهلى بما أنوى فعله .. فكانت ردة فعلهم عجيبة .

– فنى ألوميتال ! مش لاقى غير الشغلانة (البيئة) دى ؟!

– مفيش حاجة إسمها شغلانه بيئة ومش بيئة . فيه شغلانة مشروعة وشغلانة مش مشروعه .. كنتوا هتفرحوا لو كنت تاجر مخدرات ووضعى الإجتماعى رائع لكن بدمر المجتمع وفلوسى حرام ؟

– ألوميتال إيه ومخدرات إيه ؟ كنت إشتغل تاجر مخدرات أرحم ! يعنى النهاردة لو روحت تتقدم لبنت هتقولها ايه ؟ أنا بشتغل (صبى) فى ورشة ؟

– هقولهم إنى لما حبيت أزود دخلى دورت على شغل فلوسه كويسة ومواعيده مناسبة لوقتى وفلوسها حلال ومن عرق جبينى !

– ولو حد من قرايبنا جه يعمل عندك مطبخ أو شباك ؟ محدش هيفهم طريقة تفكيرك لإنها غربية ومينفعش حد يتقبلها فى مجتمع مصرى أو شرقى عموما .

– يبقا طز فى المجتمع والناس والقرايب وأى حد يفكر بالإسلوب ده !

– واضح إن سفرك هولندا غيرك !

فى طريقى لـ ( الورشة) قابلت (جورج) صديقى .. أخبرته بما أنوى عمله فقال لى :

– والله إنت جدع .. فى أى دولة محترمه فى العالم بيحترموا عامل النضافة والنجار والسمكرى .. الخ على أساس إنهم بيعملوا وظيفة محترمة ميقدرش يعملها الوزير أو الطبيب .. لكل واحد تخصصه وإحترافة اللى الناس التانية متقدرش تعمله .. تخيل حياتنا كانت هتبقى عامله إزاى منغير عامل النضافة أو أى شخص تانى بيشتغل فى وظيفة مشابهة .

وفى ورشة (الألوميتال) قال لى (محمد مرجان) :
– بص يا محمد .. بره الشغل أنا صاحبك وحبيبك .. لكن لو عاوز تشتغل الشغلانة دى بجد يبقا لازم تسمع كلامى وتنفذة بالحرف الواحد .. لازم تعرف إن الشغل فى مجال (الألوميتال) مش بالسهولة اللى إنت متوقعها .

وبدأت مع (محمد) تعلم الخطوات الأولى فى مهنتى الجديدة .. تعلمت فى البداية أن مهنة (فنى الألوميتال) تبدو من الخارج سهلة وبسيطة ، إلا أنها فى الواقع تعتمد على الدقة الشديدة فى أخذ القياسات ، ورسمها على ورق بشكل (كروكى) دقيق يعتمد على رسم الشباك أو المطبخ ، وتحديد القياسات بدقه على الكروكى ، ومن ثم يجب على (الصنايعى) الماهر تحويل هذا الكروكى إلى أجزاء حقيقية من (الألوميتال) .. وتأتى المرحلة الثانية فى تركيب هذه القطع لتكوين الشكل النهائى للقطعة المراد تصميمها .

أيضا علمت أن (يومية) فنى  الألوميتال المبتدىء تبدأ من حوالى 20 جنيها فى اليوم ، وتبدأ فى الزيادة حتى تصل إلى 80 أو 90 جنيها فى اليوم ، أى أن الشاب الذى يحترف مهنة (الألوميتال) يستطيع الحصول على ما يقارب 2700 جنيها شهريا ، فقط يلزمها الدقة والتركيز .

لكن تأتى الرياح بما لا تشتهى السفن .. فجأة ثارت بداخلى غريزتى الصحفية ، وشعرت أننى أمام تحقيق صحفى ممتاز .. قررت أن أصور كل ما يحدث فى الورشة .. هنا ثار (الأسطى) محمد مرجان ، وقرر أننى (صبى) كسول لا يصبر على العمل .

– إنت الصحافة دى عاملة زى الزوجة الأولى اللى بتغير على جوزها وتخليه مش قادر يعمل حاجه غير إنه يفضل جنبها .

رفض (محمد) أن أقوم بتصويرة بينما يقوم بالعمل ، وبعد مجهود ووقت وافق على أن يقوم هو بالتصوير بينما يوجهنى للقيام بالعمل بإسلوب صحيح .. وخيرنى فى النهاية بين إستمرارى فى العمل معه وبين غريزتى الصحفية .. وأعتقد أن مشاهتك لهذا الفيديو تغنيك عن السؤال أى من الغريزتين تفوق على الأخرى .

كانت هذه نهاية مغامرتى فى العمل كـ (فنى ألوميتال) .. تعلمت منها كيف يمكنك عمل شباك بسيط ببعض الجهد والدقة .. والأهم أننى تعلمت أننا يجب أن نغير إسلوب تفكيرنا فى البحث عن وظيفة إضافية .

إضغط هنا لمشاهدة الفيديو
محمد حمدى

9 Responses to “>لما إشتغلت فنى ألوميتال”

  1. Kontiki Says:

    >جميل جدا عارف ليه عشان انت مكتفتش بالتفكير ونفذت فكرتك 🙂 تحياتى للعقول النضيفة والناس اللى عاوزة تكسب قرش شريف وحلال بمجهودهم بدون اعتبار للنظرة الاجتماعية المتعفنة🙂

  2. Ibrahim Osama Says:

    >Kitsch:Sأولاًمتأكد من الأول إنك هتقفل القفلة دىالحوار كله لا أكثر ولا أقل من إنك عايز تعمل تحقيق صحفى عن إنك بتفكر كويس ومش زى مجتمعك اللى أنت عايش فيهيعنى بمعنى تانىأنت غير الأوباش الجهلاء اللى بيفكروا التفكير العقيم بتاع التمييز حسب الوظيفةهو تفكير عقيم ولا جدالبس اعتراضى على الهدف من الموضوع الواضح جداًثانياًأنا ماشوفتش حد عنده الأنا عالية زيك كدهمابتسيبش فرصة إلا لما تذكر إنك صحفى وكمان صحفى كبير ورائع ومتميزونظرة اللى حواليك ليك بتأكد وجهة نظرك فى نفسكمع إنى – فى وجهة نظرى اللى لازم أنت تحترمها – إنك صحفى متوسط لغتك ضعيفةأفكارك تقليديةواللى مش تقليدية منها لمجرد الاختلاف وخلاصثالثاًالحوار مفتعل ومافيهوش أى جديد ومكرر جداًتحس إنك فى برنامج حكومى وخاصة بعد عبارةواضح إن سفرك هولندا غيرك !أنا قعدت أضحك بعد دىيعنى أهلك مش عارفين أفكارك وإنك راجل متحرر من قيود المجتمع السخيفة ولا مجرد إنك بتقول إنك كنت فى هولندا ؟؟؟رابعاً تضييع وقتملحوظةأخدت بالى من مواضيعك اللى فاتت ونقاشك مع الناسإنك شايف إنك دايماً صحوغيرك هو على ضلال ينتظر العناية الإلهية لإنقاذه أو هو هالك فى غياهب الجهل

  3. قهوة بالفانيليا - شيماء علي Says:

    >برافومش هاقول غير برافو ..برافو على طريقة التفكير الصحيحة العملية جدا .برافو على السعي ورا الرزق الحلالبرافو عليك اوي:)انا فخورة بيك

  4. شيماء الجمال Says:

    >الأخ الفاضل اللي معلق التعليق الطويل دهدي مدونة يا استاذ مش موضوع صحفييعني محمد حر في انه يحكي ويفرفشمحمد لفته كويسة على فكرة وافكاره مش تقليديةوبعدين انت شفت أفكاره فين؟في المدونة؟دي مش صحافة دي فضفضةوبعدين طالما مش عاجبك بجد قريت ليه؟نقدك يحترم بس حسيته هجومي شوية زيادة عن اللزوموشكراًشيماء: صحفية شايفة نفسها برضه

  5. dreams Says:

    >تفكيرك عاقل ومتزن اوى لو كل الشباب عمل زى كده كان حاجات كتير هتكون احسن

  6. Ibrahim Osama Says:

    >رداً على شيماءامممممممأنا آسف على كلمة تحقيق صحفى لو هى مش عجباكىأنا عارف إنها مدونةبس القصد هو إنى شايف إنه عايز يورى الناس إن أفكاره مش تقليديه ولا هى زى العوامسواء فى بوست ع المدونة أو نوت ع الفيس بوك أو حتى تحقيق صحفى فى مجلةمش هنختلف فى المسمياتأنا قصدى واضح:Dوأنا ماعترضتش إنه يحكى ويفرفش أومال المدونات خُلقت ليه ؟إحنا متفقين إنه من حقه يفضفضبس كمان هو أكيد مش عامل المدونة ع النت لمجرد حفظ كتاباته من الضياعأكيد هو حابب إن يكون فيه تفاعل ما بينه وبين القارئوواضح جداً إنه حابب دهبدليل إنه مش قافل التعليقاتوسايب أى حد يعلقحتى الناس اللى زيى اللى مش عندها أكونت ع الجى ميل ولا بلوج وبتعلق باسمها فقطلو هو شايف إنه من حقه يفضفض ومش من حقنا نتفاعل معاه وده برضه حقهفيقفل التعليقات أحسنومن ناحية إن نقدى هجومى فلأن ده رأيىمن غير زيادة أو نقصانوأنا شايف إنى طالما بانتقد باحتراموبانتقد فى مجال الصحافة والكتابة بس بالنسبة لمحمدفاكتب اللى أنا عايزهوعلى حد علمىفأى هاوى أو محترف فى أى مجالبيبقى فى أشد الحاجة لنقد سليم وصحيح حتى ولو كان قاسىلأنه هيكون صادقوهو بأه ياخد اللى هو عايزه ويسيب اللى مش عايزهأما بالنسبة لنقطة الأفكار واللغةفده رأيىقد يختلف أو يتفق مع رأيكوواضح إنه يختلفكونى حسيت إنه ضعيف فى النقطتين دول لا بيقلل منىوكونك إنك شايفاه رائع فى النقطتين دول فده مش بيعلى منكونقطة أنا قريت ليه؟؟اللى أعرفه وأكيد حضرتك عارفاه إنى ماينفعش أحكم على موضوع أو مقال أو رواية من غير ما أكملها للآخرده بالنسبة للبوست دهأما بالنسبة للمدونةفطبيعى عشان أحكم على الشخص إنى أعرف أفكاره فى كذا مجالوفى أوقات زمنية مختلفةمش من بوست واحدفلازم أقرا حاجات كتير من المدونة عشان أحكم على صاحبهاوليا ملحوظة على تعليقكمش ملاحظة إنه متحامل عليا شويةوفيه نبرة هجومية ؟؟:Dلو نبرتى فى تعليقى الأول هجومية فأنت مش أحسن منىالكلام اللى مش بيعجبك بتهاجميهفى النهايةشكراً على حوارك المحترموشكراً لمحمد على نشره التعليق الأول ليا رغم مهاجمتى ليهرغم إن ده واجب عليه مش تفضل منهإبراهيم أسامةمواطن عادى وقارئ مش شايف نفسه

  7. Ibrahim Osama Says:

    >رداً على شيماءامممممممأنا آسف على كلمة تحقيق صحفى لو هى مش عجباكىأنا عارف إنها مدونةبس القصد هو إنى شايف إنه عايز يورى الناس إن أفكاره مش تقليديه ولا هى زى العوامسواء فى بوست ع المدونة أو نوت ع الفيس بوك أو حتى تحقيق صحفى فى مجلةمش هنختلف فى المسمياتأنا قصدى واضح:Dوأنا ماعترضتش إنه يحكى ويفرفش أومال المدونات خُلقت ليه ؟إحنا متفقين إنه من حقه يفضفضبس كمان هو أكيد مش عامل المدونة ع النت لمجرد حفظ كتاباته من الضياعأكيد هو حابب إن يكون فيه تفاعل ما بينه وبين القارئوواضح جداً إنه حابب دهبدليل إنه مش قافل التعليقاتوسايب أى حد يعلقحتى الناس اللى زيى اللى مش عندها أكونت ع الجى ميل ولا بلوج وبتعلق باسمها فقطلو هو شايف إنه من حقه يفضفض ومش من حقنا نتفاعل معاه وده برضه حقهفيقفل التعليقات أحسنومن ناحية إن نقدى هجومى فلأن ده رأيىمن غير زيادة أو نقصانوأنا شايف إنى طالما بانتقد باحتراموبانتقد فى مجال الصحافة والكتابة بس بالنسبة لمحمدفاكتب اللى أنا عايزهوعلى حد علمىفأى هاوى أو محترف فى أى مجالبيبقى فى أشد الحاجة لنقد سليم وصحيح حتى ولو كان قاسىلأنه هيكون صادقوهو بأه ياخد اللى هو عايزه ويسيب اللى مش عايزه

  8. Ibrahim Osama Says:

    >أما بالنسبة لنقطة الأفكار واللغةفده رأيىقد يختلف أو يتفق مع رأيكوواضح إنه يختلفكونى حسيت إنه ضعيف فى النقطتين دول لا بيقلل منىوكونك إنك شايفاه رائع فى النقطتين دول فده مش بيعلى منكونقطة أنا قريت ليه؟؟اللى أعرفه وأكيد حضرتك عارفاه إنى ماينفعش أحكم على موضوع أو مقال أو رواية من غير ما أكملها للآخرده بالنسبة للبوست دهأما بالنسبة للمدونةفطبيعى عشان أحكم على الشخص إنى أعرف أفكاره فى كذا مجالوفى أوقات زمنية مختلفةمش من بوست واحدفلازم أقرا حاجات كتير من المدونة عشان أحكم على صاحبهاوليا ملحوظة على تعليقكمش ملاحظة إنه متحامل عليا شويةوفيه نبرة هجومية ؟؟:Dلو نبرتى فى تعليقى الأول هجومية فأنت مش أحسن منىالكلام اللى مش بيعجبك بتهاجميهفى النهايةشكراً على حوارك المحترموشكراً لمحمد على نشره التعليق الأول ليا رغم مهاجمتى ليهرغم إن ده واجب عليه مش تفضل منهإبراهيم أسامةمواطن عادى وقارئ مش شايف نفسه

  9. فتاه من الصعيد Says:

    >كل سنه وحضرتك طيب …. ومعذره لعدم متابعتي لمدونتك في رمضان :)عيد سعيد🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: