>ملف الأماكن المسكونة فى مصر جـ1

>

* نُشر هذا الموضوع كاملا فى مجلة “إحنا” .
بقلم : محمد حمدى

ظاهره المنازل المسكونه والعقارات التى تسيطر عليها كائنات غير أدميه .. والأشباح التى تتجول بين حجرات المنازل المغلقه لفترات طويله .. كل هذه الأمور قرأنا وسمعنا عنها من خلال أفلام الرعب الأمريكية .. وأدلى الجميع بدلوهم فيها … إلا أننا اليوم نقدم لكم ملفا خاصا عن أشهر الأماكن المسكونه فى مصر تحديدا … إقرأه جيدا فمن الممكن أن تكتشف أنك تمر يوميا بالقرب من أحد هذه الأماكن .. أو سمعت بعض الأخبار المتفرقه عنه أو حتى تقف بسيارتك أسفل أحد هذه العقارات الأن لتطالع هذه الصفحه بالذات ! 

هذه المره أنت تقرأ ملف رعب مصرى جدا .. لا نحدثك فيه عن مصاصي الدماء فى قلاع رومانيا ولا وحوش ضخمه تخرج من بحيرات فى فرنسا .. بل نحدثك من خلاله عن أماكن مشهوره جدا .. قد يبعد أحدها عن منزلك أمتارا قليله .. وقد تقرأ هذه السطور الأن بينما تسمع صوتا مريبا فى (المطبخ) … حاول تجاهل الصوت الخافت وادفن رأسك بين هذه الصفحات المخيفه … فما ستقرأه قد يكون أشد رعبا مما يحدث حولك .

عمارة رشدى – الإسكندرية 
إضغط على الصور للتكبير .
 
إذا كان لك صديق أو قريب من مدينة الإسكندرية .. إسأله – إن لم تكن سألته من قبل- عن عمارة رشدى .. أو عمارة العفاريت بالإسكندريه .. عمارة العفاريت بالإسكندرية تبدو فى الواقع عكس ما يعكس إسمها تماما … فبينما يذكرك الإسم بأفلام الأشباح والأرواح التى تسكن منازل امريكية  لها اسقف منحدره لمنع تراكم مياه الأمطار , لم تسمح الطبيعة الجغرافية والسكانية لمصر بوجود مثل هذه المنازل المنعزلة التى يفصل بينها وبين العمران مسافة كبيرة , فتجد عمارة العفاريت بالإسكندرية عمارة مثل أى عمارة أخرى , يقع بجوارها محطة بنزين وتحيطها المنازل من كل جانب , إلا أن ما يجعلها مختلفة عن باقى العمارات هى تلك الطبقة الداكنة التى تظلل جدرانها من الخارج , نتيجة تراكم عوادم السيارات والأتربة عليها لسنوات دون تنظيف , بالإضافة لأن جميع نوافذها محطمه بالكامل , وأيضا فإن مدخلها الرئيسى مسدود بجدار سميك من الطوب الأحمر لمنع الفضوليين من الدخول الى العمارة المشئومة …

تضاربت الأنباء عن هذه العمارة القديمة المبنية منذ الستينات و التى تساوى بموقعها المتميز فى زمننا الحالى عدة ملايين من الجنيهات يقول البعض أن أرض العمارة كانت فى الأصل مسجدا , طمع صاحبه فى أرضه فهدم المسجد ليقيم العمارة , ومن يومها لم يستطع أحد السكن فى العمارة بالكامل لأنها أصبحت مسكونه بالعفاريت ..

سيناريو مثير أخر يحكى أن مجموعه شركاء قرروا بناء هذه العمارة إلا أن أحد الشركاء نصب على الأخرين وإستأثر بالعمارة وحده فعمل باقى الشركاء على إلقاء “عمل” فى مواد البناء الخاصة بالعمارة مما أدى لكونها مسكونه بالجن حتى اليوم .

أيضا تحدث البعض عن أن مصحفا سقط من أحد العمال وتم بناء العمارة على هذا المصحف مما أدى لأن يصبح العقار بالكامل مسكونا بالعفاريت لأن ” مينفعش حاجه تعلى على كلام ربنا ” بينما أفتى البعض بأن السبب الحقيقى وراء ما حدث هو أن أحد العمال سقط صريعا اثناء البناء وإختلط دمه بمواد البناء مما أدى لأن تصبح العمارة مسكونه ! فى النهاية تعددت الأسباب والنتيجة واحده ..

وكما تعددت القصص عن سبب سكن العفاريت للعمارة تعددت شهادات الذين عاصروا الأفعال الشيطانية لهذه العمارة الغريبه .. فتحدث معظم الناس عن قصة العروسين الذين سكنوا الشقة .. وفى اليوم التالى لزواجهما فوجئت العروس أن سائلا أحمر ينزل من حنفيات الشقه .. ظنته فى البداية صدأ نتيجة عدم إستعمال المواسير لفترة طويلة , إلا أن صراخها سرعان ما تعالى عندما إكتشف زوجها أن ما ينزل من الصنبور دما وليس مياه …

ويحكى البعض عن أسرة سكنت العمارة وفى اليوم التالى لسكنهم فوجئوا بجميع متعلقاتهم وقد ألقيت فى الشارع فأسرعوا بالهروب من الشقه المسكونة .

أيضا يحكى العاملين فى الوردية الليلية فى محطة البنزين المجاورة للعمارة عن أصوات الصراخ التى تتعالى ليلا وأصوات فتح وغلق الشبابيك التى لا تتوقف طوال اليل , بينما يقول أحد القاطنين فى العقار المقابل للعمارة أن شيئا غريبا فى إضاءة العمارة يجعل من المستحيل على أى شخص ينظر داخل العمارة صباحا أو مساء أن يرى ما يحدث فى الداخل رغم عدم وجود شبابيك ! أيضا حكى عن الغسيل الذى يراه الناس منشورا فى الصباح ويختفى فى المساء بلا اثر … والعديد من الحكايات الأخرى …

وعلى الجانب الأخر من هذه الأحاديث , يؤكد البعض الأخر أنه لا أصل لكل ما يحكيه الناس , وأن كل ما هنالك هو أن مالك العقار توفى بعد بناؤه وحدثت خلافات بين الورثه فبقيت العمارة بدون تسكين , ومع الوقت كساها عادم السيارات بطبقه داكنه وتكسرت نوافذها نتيجة الإهمال .

أما أتباع نظرية المؤامرة فيروجون لفكرة أن مالك العمارة مسافر للخارج ويخشى أن يقوم البلطجية بوضع أيديهم على العمارة فروج لفكرة العفاريت التى تسكنها حتى يخشى أى شخص الدخول اليها .. أما خفيفى الدم فتهكموا على القصه بالكامل قائلين ” فيها ايه لما العمارة تتسكن بالعفاريت ؟ أكيد عندهم أزمة سكن زى الى عند البشر” !

ورغم مرور أكثر من 30 سنة على بنائها الا أن العمارة التي تقع بمنطقة رشدي لا تزال خاوية من السكان، وتثير حكايات الرعب في قلوب سكان مدينة الاسكندرية.

وانتشرت مؤخرًا شائعات جديدة عن أن العفاريت “غاضبة” وسوف تقوم بهدم العقار، ومن المتوقع انهيارها فى أى وقت، مما أثار ذعر ورعب جميع سكان العقارات المجاورة لها.

تابع : الجزء الثانى : قصر البارون إميان

18 Responses to “>ملف الأماكن المسكونة فى مصر جـ1”

  1. مواطن مصري Says:

    >بالرغم ان بصدق حاجات في الميتفيزقيا بس في الاخر دي كلها اشاعات بتفكرني بأسطورة المنزل رقم 5 بتاعت ما وراء الطبيعة

  2. Appy Says:

    >سمعت قصتها من اسلام مواطن مصرى بس الاقرب ان مفيش عفاريت ولا بتاع المشكله ممكن تكون حاجه بين ورثه وانت عارف الناس ما بتصدقحلوة فكره الملف كل سنه وانت طيب يا محمد

  3. فتاه من الصعيد Says:

    >حلو الموضوع جدا ….. بس انا موش بصدق في موضوع العفاريت ده ….. وكمان مفيش جن ناصح يسكن وسط البني ادمين المؤذيين🙂

  4. مصري بالغربة Says:

    >ازيك يا محمد حمدي انت من اسكندريه ولا ايهعموما انا من اسكندريه ومريت كتير من جنب العماره ديه وعارفها كويسبس مش عارف قصتها الحقيقه فيه اقوال كتير زي ما انت قولت كده

  5. ضكتور جدا Says:

    >طيييييييييييبمعقولة ده فعلا ؟؟؟

  6. إيناس حليم Says:

    >يا مامااااا :Sايه الموضوع المرعب دهانا بصراحة مع ان العقار فضل مهمل وغير مسكون فترة طويلة فاتسكن بالعفاريتحاسه ان ده اكتر تفسير منطقي..الفكرة مرعبة بس جميلة :)كل سنة وانت طيب

  7. أبو كريم Says:

    >سبحان اللهقد يصدق البعض ولكنى أرى أن هناك إنهوراء العماره وليس العفاريت ما عفريت إلا بنى أدم

  8. كيــــــــــــارا Says:

    >ايه الرعب دا ممكن يكون عدم السكن فيها هو اللي عمل كداكل سنة وانت طيب

  9. doaa Says:

    >بحب كتاباتك اللى من النوع ده قوي وإن كنت بخاف بجد وكنت بقرأ الموضوع وأنا مش مطمنة ولسوء الحظ إن النهارده الجو حلو قوي وفي نسمة ساقعة شوية وأنا مسحولة في الموضوع ومبرأة في الشاشة لقيت فجأة شعراية من شعري طارت وجات على عينيهههههههههههههمش عايزة أقولك إيه اللى حصل

  10. Tamer Nabil Says:

    >السلام عليكممواضيع الاشباح والاماكن المسكونة يوجد منها على ما اسمع من البعض حقيقيى والله اعلممشكورر على البوست الرائعمع خالص تحياتى

  11. أسماء علي Says:

    >ملف شيق و يجعل الخيال يتنامى من الممكن أن تكتب قصص و حكايات من هذه الفكرة :)دمت بمودة

  12. hasona Says:

    >السلام عليكمربنا يجعل كلامنا خفيف عليهمعفاريت – اللهم احفظنا،،،،كل سنة وانت بخير – بمناسبة رمضانوكل سنة وجميع أحبابك بخير وصحة وسعادةوكل سنة وكل المسلمين علي شريعة الله وسنة الحبيب المصطفي رضي الله عنه وأرضاهوان شاء الله نستفيد من رمضان بكل السبلونخرج منه أفضل مما ولجنا بهيا رب أعنا علي القيام والصيام والصلاةووفقنا لما فيه الخير للجميع يا رحيم يا كريموارزقنا العفاف والرضا – والمحبة واهدينا يا عظيم وأعنا علي القيام والصيام والصلاة والارتقاءالي جنة الفردوس واجعلها لنا ميراث خير وسعادةواجعلنا من عتقاءك في هذا الشهر يا معطي يا وهابوارزقنا حلاوة القرآن و حسن تلاوتهوتدبر معانيه وفهمها علي النحو الصحيحورطب ألسنتنا بذكرك يا اللهعايز أقول اننا في أيام مباركة ويجب استثمارها في الخير والتقرب من الله

  13. لماضة Says:

    >تصدق ان انا فعلا بخاف من العماره ديوبخاف ساعات اعدي من جنبها كمان

  14. دعاء على Says:

    >ملف رعب مصرى … يا للروعه!انا مبسوطه جدا بالتدوينه دى لانى عاشقه للرعب و الغموض بطبعى (:حكايات العمارات المسكونه ما أكثرها فى مصرانا عن نفسى فاكره انى و انا صغيره كان فيه عماره ورا مدرستى كان الكل بيقولوا ان فيها جان و ان ناس كتير اتقتلت فيها و الدم فى كل حته و اللى بيدخل ما يطلعش و و وتصدق انى رحت و دخلتها ؟ مستحملتش الفضول كان اصعب بكتير من الخوف و اما دخلت شفت انها عماره عاديه و مكانش فيه دم و لا حاجه و كان فيها ناس ساكنين و دخلت و طلعت عادى مشفتش جاناغلب الحكايات دى فعلا بتكون تأليف انما فى الاخر برضه الجان مخلوقات من مخلوقات ربنا و الله أعلممستنيه الجزء التانى على نار (:و كل سنه و حضرتك و طيب

  15. صبرني يارب Says:

    >شوف ما نقدرش ننكر ابدا وجود الجن والعفاريت والعماره دي انا سمعت عليها فعلا وموضوع المسجد وكدهوكان فى واحد مره من الى بيشتغلوا فى القصص دي سرح بينا وقالنا انه راح واتفق مع الجن هناككلام كتير كده ما صدقتش نصهبس العفاريت موجود طبعا حد يقدر ينكر ؟

  16. Kontiki Says:

    >حلوة فكرة الموضوع دة🙂 على فكرة عمارة رشدى جنب بيتى ورايحة جاية عليها بقالى 26 سنة مشفتش فيها حاجة غالبا عشان دة بيكون الصبح مش باليل بس بصراحة باليل بخاف اعدى من الشارع بتاعها واخو واحدة صحبتى كان راجع مرة متاخر وشاف حد خارج منها وبيجرى وراة فى الشارع الضلمة فجرى هو كمان للبيت اللهم احفظنا😀

  17. Anonymous Says:

    لا اله الا الله سيدنا محمد رسول الله ان الله سبحانه و تعالى قادر على كل شيء فاذكر الله

  18. Matador Says:

    ايوه يا جماعه دى قصه حقيقيه بس انا بحمد ربنا ان انا مش ساكن هناك وربنا يحميه اللى ساكنين هناك انا برده من الاسكندريه بس بعيد عن العماره ديه الحمدلله

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: