>السلفية بدون معلم جـ2

>

حدثنا عيسى بن مصطفى بن فتحى قال : كنا يوما جلوس فى (كوستا كافيه)  إذ طلع علينا رجل شديد بياض الثياب، شديد سواد الشعر، لا يُرى عليه أثر السفر ولا يعرفه أحد منا , فجلس إلينا وطلب النسكافيه فقال عيسى: أوتدرون من هذا ؟ قلنا الله ورسوله أعلم فقال : هذا المحمد بن حمدى جاء يقص عليكم الجزء الثانى من “السلفية بدون معلم”  بعد كتابته للجزء الأول
رشف الشيخ محمد بن حمدى رشفة هنيئة من النسكافية , لم يظمأ بعدها أبدا ثم قال:

اليوم أحدثكم عن تكريم السلفية للمرأة . لقد إهتمت السلفية بتكريم المرأة فى كل مناحى الحياه . أنظروا مثلا لتكريم السلفية للمرأة فى إرتدائها للملابس … لقد إنتبه علماء السلفية مؤخرا إلى أن المرأة المسلمة كانت ضحية الملابس العارية الكاشفه المثيرة للغرائز .. أنظروا مثلا للنقاب المفتوح العينين .. هذا النقاب الفاضح الكاشف الجارح لعنه الله ولعن من إرتدته , هذا النقاب هو أصل البلاء واساس التحرشات الجنسيه فى كل مكان .

ثم خرج علينا سافر لعين أخر أمر المرأة بأن ترتدى النقاب بعين واحده , بعد غلق العين الأخرى حتى لا تصبح فريسة سهلة لكل من يريد التحديق فى عيناها , وهى دعوه فاجرة عاهرة هى الأخرى , حيث أن العين الوحيدة التى ستظهر من المرأة السلفية ستكون كفيله بأن يتم معاكستها , وسيستغل أعداء السلفية هذا الموقف فى تأليف أغنيات تتغزل فى جمال المرأة ذات العين الواحده كأغنية (جميل واعور) , وغيرها من مظاهر الفساد والإفساد .

وقد يسألنى البعض مندهشا :  إذا كان النقاب العادى لا يرضيك والنقاب ذى العين الواحده لا يرضيك فما هى الملابس التى تراها ملائمة للمرأة السلفية ؟

وأرد عليهم قائلا أن على السلفية أن تستفيد بالتقنية الحديثه لتطبيق مذهبها , فما هى المشكله من إلباس المرأة نقابا بدون فتحات للعين أصلا , مع الإستعانة بتقنية الـ GPS التى تُستعمل لإرشاد السيارات للطرق أو إرشاد الطائرات للهبوط عند تعذر الرؤية .

واقترح أن يتم تزويد كل نقاب بجهاز GPS متطور يحدد الشوارع والمنعطفات للمرأة , حتى تتحرك بسهوله بدون أن ترى أحدا .. أو يراها أحد . ومن الممكن تزويد المرأة أيضا بجهاز Bluetooth للتواصل مع السيدات الأخريات الائى يمرون فى نفس الشارع لتبادل المعلومات حول وجود حفر أو بلاعات مفتوحه فى الطرقات

وهذا يا إخوانى هو جوهر السلفية . السلفية التى تستفيد بالمنجزات الحديثه للوصول لاكبر قدر من التشدد الدينى فى أحكامها .
وهذا يأخذنا لموضوع أخر هو الإعجاز العلمى فى القرأن الكريم , وهى السبوبة التى إنتهزها علماء السلفية والتى تدر عليهم أموالا حلالا طيبه … هل تعلم عزيزى القارىء أن القرأن تنبأ منذ أكثر من الف وخمسمائة عام بصناعة هاتف النوكياN97  وحذرنا من إستعماله ؟

وهل تعلم أن الغرب يعلم هذه الحقيقه وأخفاها حتى لا يدخل العديد من الناس فى الإسلام ؟
وهل تعلم أن مخترع الـ N 97 عندما علم بهذه الحقيقة أشهر إسلامه إلا أن الحكومة الأمريكية تتكتم على هذه الحقيقه لانها تعادى الإسلام ؟

أما عن الأية التى تحدثت عن صناعة الـ N97 فهى الأية التى تقول :

” يأيها الذين آمنوا اجتنبوا كثيرا من الظن إن بعض الظن إثم ” (سورة الحجرات أيه 12)

هاهى المعجزة تحققت … وتم ذكر كلمة (إن) .. والغافل يظنها حرف باللغة العربية إلا أنها فى الواقع هى النطق العربى لحرف N بالإنجليزية .

وعدد حروف الأية هى بالظبط 97 حرفا … إذن فالمقصود هو موبايل نوكيا N97 هل رأيتم إعجازا توصلت له عقول السلفية أكثر من هذا ؟

أيضا من أعظم إكتشافات السلفيين تلك المتعلقه بالرسائل الخفيه التى يعلمها الغرب لأبنائنا من خلال كارتون ميكى ماوس وتوم وجيرى … الغرب الصهيونى نشر هذه الرسوم المتحركه ليربى ابناؤنا على القيم الفاسقه…. فهاهو (ميكى) يظهر فى كل كارتون له مع (ميمى) تلك الفأرة الحسناء .. فهل شاهدتهم (عزيزى القارىء) فى أى كارتون لهم وقد أعلنوا زواجهم ؟ إذن يريد (والت ديزنى) وأعوانه الحقراء تعليم أولادنا الزنا وزرعه فى أدمغتهم منذ الصغر حيث يقضى ميكى أوقاته مع فتاته دون زواج .. .

وعلى مدى ما يزيد عن ألف حلقه من حلقات توم وجيرى , هل وجدت جيرى يسجد لله شكرا على نجاته من مطاردات توم ؟

وفى حلقات كارتون (بطوط وزيزى) .. هل شاهدت (زيزى) يوما وقد إرتدت الحجاب ؟ إن هذه لأسئله يجب أن نطرحها على أنفسنا قبل أن نجعل أطفالنا يجلسون بالساعات أمام الكارتون , وأننى لأحس الأهل على إستغلال هذا الوقت وجعل الأطفال يستمعون لأحدث الأناشيد الدينية الإسلامية من خلال الخط السلفى , على رقم : 09006706423914 وسعر الثانية خمسة جنيهات لا غير .

وقد وصلنى بريد إلكترونى وعنوانه لمن يريد أن يحدثنى هو salafi@tashadod.net هذه الرسالة يهاجمنى كاتبها بشده , وأنتم تعلمون أننى أرحب كسلفى ديموقراطى بكل أنواع الهجوم , ولا أرد عليها إلا بالحسنى .. يقول الديوس الوغد الخنزير صاحب الرسالة لعنه الله والملائكة : أنت يا شيخ لا تراعى الله فيما تقول , كفاك تعصبا دينيا وأنظر الى العالم وصل الى القمر وفى طريقة للمريخ بينما أنت تفاضل بين فضل دخول المسجد بالقدم اليمنى أو اليسرى .

و لكاتب الرسالة إبن الأوغاد الصهيونى حفيد الراقصات سليل شارع الهرم أقول له وبمنتهى الأدب والهدوء : إن الغرب الذى تشيد بمنجزاته غافل عاجز … ولدى بالدليل العلمى ما يفند أكاذيبك أيها الوقح .. فرائد الفضاء الذى صعد إلى القمر سمع هناك الأذان يتردد بصوت عالى … وعندما تقدم على أرض القمر ماذا وجد ؟ لقد وجد مسجدا يرفع فيه الأذان وتقام فيه الصلاة .. بل إننى أعلم تمام العلم أن يورى جاجارين أول من حط على القمر قد صلى ركعتين تحية مسجد وركعتى شكر لله داخل هذا المسجد قبل أن يعود إلى الأرض .. إلا أن اليهود والأمريكان منعوا نشر هذه الصور واللقطات حتى لا يصبح الإسلام هو الدين السائد على الأرض .

وماذا حدث لهؤلاء الذين إتبعوا الغرب ؟ نساؤهم يقفن تحت أعمدة شارع جامعة الدول العربية ما بين الثانية عشر والواحده بعد منتصف الليل تابعين لشيكو قواد شارع جامعة الدول , ويقضين الليالى فى شقق مفروشه فى شارع الهرم بمتوسط 300 جنيه لليله كسعر الغرفه و 200 جنيه للفتاه متوسطة الجمال بشرط أن تشترى لها العشاء و رقم موبايل شيكو هو 01268… .. إحم ….. عفوا .. يبدو أننى إسترسلت فى الحديث … نعود لموضوعنا
..

إن الغرب أغلبه من النصارى الحاقدين , وعلى الرغم من أنهم يحاولون تشويه صورة السلفية إلا اننا لا نواجههم إلا بالحسنى , وأسعى دائما فى موضوعاتى أن أشدد على ضرورة إحترام الأخر وعدم إثارة الفتنة الطائفية .. لذلك أوصى نفسى وأوصيكم بعدم رد السلام على أى نصرانى وغد , وعدم التعامل معه فى أى عملية بيع أو شراء , وإن تعاملت .. فأزد عليه أضعاف السعر أضعافا , وتجهم فى وجهه كما يتجهم حديث الزواج فى وجه حماته .. ولا تمد يدك لمصافحته , وإن مدها هو تجاهلها كأنك لم تراها . وبهذا الشكل ينعدم بينك وبين جارك النصرانى أى تعامل , فلا يصبح هناك أى وجود لأى مشكله طائفية .

وأختم حديثى بالفقرة التى طال إنتظاركم لها وهى فقرة الدعاء .. وأرجو أن تحضروا من الأن مناديلكم لمسح الدموع  ..

اللهم أنصرنا على القوم الكافرين .. اللهم إهدم بيوت الأمريكان والاوروبين والأفريقيين والأسوين واليابانيين ولا تدع على الأرض سوى منازل الخليجيين والسلفيين .

اللهم شخبطهم شخابيط ولخبطهم لخابيط وأجعل ظهورهم لنا وقفاهم فى الحيط !

اللهم مزمزهم كما مزمزت ميرندا مشروباتها , اللهم إمنع البيريل عن رجالهم حتى لا يسترجلوا .

وأخر دعوانا أن الحمد لله رب العالمين !

نقاط هامه لابد من ذكرها قبل أن تترك تعليقك  :

* الفكر السلفى هو الإسم المختصر للتشدد الدينى والعقائدى , وإذا كنت ترى أننى مخطئا فى السخرية من الفكر السلفى فيمكنك أن تحذف كلمة (سلفية) وتستبدلها بكلمه (تشدد دينى) .

* هذا الموضوع يسخر من الفكر السلفى ولا يسخر من الدين الإسلامى أو من الله أو من الرسول (صلى الله عليه وسلم) , وإذا كنت تعتقد أن الفكر السلفى هو نفسه الدين الإسلامى أو أن شيوخ السلفية هم خلفاء الرسول فى الأرض فهى مشكلتك أنت لا مشكلتى أنا .

* هذا الموضوع ساخر , لايهدف إلى عمل أى بحث علمى أو سياسى أو تاريخى حول نشأة الفكر السلفى , والهدف الوحيد منه هو رسم الإبتسامه على شفاهكم , لذلك لا تطالبنى فى تعليقك بالقراءة عن السلفية أو دراستها .

* إذا لم تجد تعليقك منشورا خلال 6 ساعات من تاريخ إرساله فهذا يعنى أنه قد تم رفض نشره لأنك وجهت من خلال تعليقك شتائم جارحه لى , إذا كنت تريد أن تكتب تعليقا يتم نشره برجاء الرجوع لوالديك وسؤالهم عن كيفية الإختلاف فى الرأى مع الاخر بإحترام .

28 Responses to “>السلفية بدون معلم جـ2”

  1. محدود الدخل Says:

    >شفاك الله وعافاك برجاء الرجوع الى السيد الوالد والست الحاجة ليعلموك أن السخريه من خلق الله ليست من الأدب في شيءحتى وأن أختلفنا معهم

  2. me Says:

    >اولا اتفق معك فى كثير من النقاط المتعلقه بالفكرواختلف معك فى كيفيه الطرحهو مش الحديث الى حضرتك ذكرته فى بدايه كلامك حديث صحيح عن النبى صلى الله عليه وسلموعن عمر رضي الله عنه ايضا قال: بينما نحن جلوس عن رسول الله ذات يوم اذ طلع علينا رجل شديد بياض الثياب شديد سواد الشعر لايرى عليه اثر السفر ولا يعرفه منا احد حتى جلس الى النبي صلى الله عليه وسلم فأسند ركبتيه الى ركبتيه ووضع كفيه على فخذيه قال : ( يامحمد اخبرني عن الاسلام )قال رسول الله صلى الله عليه وسلم : ( الاسلام ان تشهد ان لا اله الا الله وان محمدا رسول الله وتقيم وتؤتي الزكاة وتصوم رمضان وتحج البيت ان استطعت اليه سبيلا )قال : صدقت فعجبنا له يسأله ويصدقهقال ( فأخبرني عن الايمان )قال😦 الايمان ان تؤمن بالله وملائكته وكتبه ورسله واليوم الاخر وتؤمن بالقدر خيره وشره)قال :صدقتقال ( فأخبرني عن الاحسان )قال😦 ان تعبد الله كأنك تراه فإن لم تكن تراه فأنه يراك )قال ( فأخبرني عن الساعة )قال ( مالمسؤول عنها بأعلم من السائل )قال ( فأخبرني عن امارتها )قال ( ان تلد الامة ربتها وان ترى الحفاة العراة العالة رعاة الشاء يتطاولون في البنيان )ثم انطلق فلبثت مليا ثم قال ( ياعمر اتدري من السائل ؟)فقلت😦 الله ورسوله اعلم)قال : ( فانه جبريل اتاكم يعلمكم دينكم )لا يصح ان تستخدم كلمات الحديث للسخريه من أحد كالسلفيه وكأنهم هم من قالو الحديثلابد ان تفرق انت بين السلفيه وبين الدين الاسلامى

  3. خالد فوده - Khaled fouda Says:

    >السلام عليكم كل سنه وانت طيب يا باشا ورمضان كريمانا من المتابعين لحضرتك وبحب كتاباتك جدا بس اختلف معك في سرد الموضوع لان الحديث اللي في الاول ده حديث للرسول صلي الله عليه وسلم أولا فيه استهزاء واضح براوي الحديث وهو سيدنا عمر .. ثانيا فيه استهزاء بأمين الوحي جبريل .. ————-وانا معاك ان فيه ناس محسوبين ع الدين لا يفقهوا شيئا .. ولكن هذا مستوي الفهم اللي وصلو اليه ويقولو اللي هما عاوزينه محدش يمنع حد من الكلام .. زي برضو محدش يقدر يمنع حضرتك من الكتابه الساخره لاي شئ يحدث حوالينا ولكن بحدود وكل سنه وانت طيب يا باشا أرجوك لا تعتبر التعليق بتاعي ده فيه اي اساءه لكاتبتك وانا كنت رشحت قصتك (في شقه الاسكندريه )لجروب عيش وحلاوه علي الفيس بوكوده مجرد رأي

  4. مواطن مصري Says:

    >هاهاهاهاه جامدة و الله عندك حق كلهم بيفكرو كدة عجبتني حتة ال gps مع كل نقاب هههههههههه و الله انت دماغ استلم بقى السلفين و الظلامين يا محمد ههههه كل سنة و انت طيب

  5. ســـــاره Says:

    >موضوعك صدمني .. صدمني جداا واللهقريتلك قبل كده موضوعين كانوا في غاية الروعة من حيث السرد والفكر .. بس الموضوع ده حقيقي خيب ظني فيك في فرق شاسع بين انك تنتقد سلوكيات وبين انك تسخر منها .. والمشكلة انك كاتب في الآخر عشان ترسم البسمة على شفاهنا بينما الحقيقة انت رسمت الحزن على وجوهناوالله مش عارفه اقولك ايهكنت معجبه جدااا بمدونتكحسيتها مختلفه بجدبس حقيقي خيبت ظني اوووي

  6. احساس لسه حى Says:

    >عزيزىمش فاهم هو اللى يرفض السلفية يسخر من حديث شريف ولا يسخر من الاعجاز القرانى ولا يسخر من اختيار النقاب حتى لو فيه بعض الاخطاء من بعض السلفين فى اسلوب تنفيذ احكام الدينولو فيه بعض الاخطاء من علماء الاعجاز العلمى فى تفسير بعض ايات الاعجازده ميخلناش نهاجم الكل بخطأ الجزئيا ريت نهاجم وننقد بس انما نسخر من الكل الصالح فيه والطالحبين السلفين دول دكاترة وعلماء الناس كلها بتقدرها وبتحترم فكرها ولو اخدنا خطا بعض الناس المشتركين فى فكر ونهاجم كل الفكر بيهيبقا مفيش شئ صح هنعيش عليهوبالذات لما الموضوع يمس الدين المفروض الانسان المحترم يتناوله بكلام محترم

  7. فتاه من الصعيد Says:

    >انا زي كتير من اللي علقو عندك الفكره كويسه ….. بس الطرح فيه بعض الاستهزاء

  8. TAFATEFO Says:

    >مش عارف أقول ايه بصراحهأسخف تناول لأي موضوع في التاريخ .. انتا تاخد الجايزة دي وتبروزهاأنا لا سلفي .. ولا متشدد .. بس بجد الكتابة زي الزفت

  9. فاروق عادل Says:

    >زى ماكتير قالوا الفكرة كويسه لكن التناول فى بعض الاجزاء وحش خصوصا المقدمه

  10. جلال Says:

    >المشكلة الكبيرة كمان إن السلفية تغلغلت جوا عقول الناس بشيء من السرعة و بقينا كلنا سلفيين..متعصبين بصورة أو بأخرى..زي صاحبي اللي مبيشربش من البقالة اللي صاحبها مسيحي و هو بيرتكب أكبر المنكرات..زي الناس اللي حتسيب كل حاجة وتنتقد طريقة كتابة المقال الساخر..و زي إصحابي اللي حرموا الأغانيو هما مبيبطلوش يسمعوها..أقولهم هاتوا دليل..يقولولي لي ما هي معروفة؟أنا كنت سلفي لفترة و عارف طريقة تفكيرهم و هما عاملين ازاي بالضبط بس قررت أشتري دماغي ما سيبوش للكتب الغريبة و ارتفاع ضغط الدم أثناء الدعوة لإبادة الفن و الأدب و إضفاء طابع (إسلامي) على كل شيء لا يحتمل الطابع ده لإنه في الأساس مش ديني..يلعن أبو غسيل الدماغ يا جدع..أنا مش عارف الناس بتتفرج على قناة الناس ازاي..بحس إن عايز أرجع..كنت كتبت قبل كده حاجة عن السلفيين و اعتقد إن لو حكتب حاجة تاني أو نقحت فيها شوية كان الناس كفروني لأن الموضوع بقى سهل أوي..حيخلوني قلت حاجات (يشيب لهولها الولدان و تخرج من الملة)..أنا بكتب الكلام ده وانا بسمع موسيقى هيفي متال,وأعتقد إن الكلام الشيطاني بيخرج من بق ناس زي السلفيين المتشددين دول مش من الباند اللي بسمعلوا..

  11. جلال Says:

    >ده إذا كان الميتال حاجة شيطانية أصلا.

  12. احمد سعيد Says:

    >بص ياسيدىقبل كل حاجهاكيد طبعا انت متفق معايا ان البلوج فى حد ذاته وصفحه التعليقات معموله بالاساس لتبادل الاراء والافكار واكيد طبعا ان اى انسان محترم ذو عقل وفكر عمرة ما هيقبل انه يعمل بوست علشان يسمع مجرد كلمات شكر ومديح وعفارم ياباشا وميه ميه يابيه على طول الخطالعقل والمنطق بيقول لازم يكون فيه اختلافطالما ان كل واحد مننا له عقله القضيه بقى فى اسلوب عرض الاختلاف دةبمعنىانا اختلف معاك من حقك انى اتناقش معاك باسلوب محترم لا يسىء اليك ومن حقك انك نقبل النقاش معايا او ترفضه من اساسهيعنى كل الخيارات مفتوحه طالما فى نطاق احترام الاخر واحترام الذات واحترام مفهوم الحريه الفكريهاعتقد انك لغايه هنا مش مختلف معايا فى حاجهنخش بقى فى الموضوع نفسهالفكرة اللى انت بتعرضها انا اتفق معاك فيها وبشدة وحتى انا عملت عنها كذا بوست قبل كدةيمكن حتى بعض الحاجات اللى انت اتكلمت عنها على سبيل السخريه والمبالغه حصلت فعلا على ارض الواقع , زى كرتون توم وجيرى وميكى وميمى والحاجات دىاللى اختلف معاك فيه هو اسلوب طرحك للموضوع يعنى انت بتهاجم فئه معينه بتستتر خلف الدين وبتروج لافكار مغلوطه وتنسبها للدين وتستمد منه حصانه فكريه بينما تمولها حكومات عربيه معينه وتدعمها بشدة رغبه فى تنويم الشعوب وصرفهم عن اصل الدين وايجابيه الكفاح الى فرعيات ومشتبهات وسلبيه التواكل والتخاذل يبقى المفروض انك لما تهاجم , تنشن فى السوادة زى ما بيقولوا فى الجيشيعنى ركز على الفئه دى بسوعلى الكلاب اللى بيصرفوا عليهاانت معملتش كدةانت اسلوبك كان فيه سخريه واضحه من الاحاديث النبويه والقران الكريمطبعا انا علرف انك متقصدش كدة وانت كمان وضحت كدة فى اخرالبوستبس سامحنى فى الكلمهالاسلوب مايبانش منه الا كدةطيبالسلف دة اللى هو مين ؟مش الصحابه ؟هل انت عندك اعتراض عليهم او على اسلوب تفكيرهم وسلوكياتهم ؟معتقدشانا شخصيا شايف انهم كانوا اكثر تفتحا من متفتحى هذا الزمانيبقى لما تتكلم المفروض تقول المحسوبين على السلفيهاو مشايخ الخليجاو شيوخ النفطاو شيوخ ال سعودهما ايه علاقتهم بالسلف الصالح اصلاطب هما بينسبوا نفسهم اليهم علشان يستمدوا شرعيه انت بتنسبهم اليهم ليه ؟؟؟ما انت كدة بتاكد كلامهم ؟؟؟فمافيش داعى لكلمه شيل كلمه سلفيه وحط تشدد دينى اللى انت كاتبها دىطب ما انت ممكن تشيل كلمه سلفيه دى اصلا وتحط مكانها اى مصطلح تانى وتوفر على القارىء الشيل والحطخصوصا ان فيه ناس بتفهم بالمشقلب وانت سيد العارفيندة مجرد راى مش اكتروانت حر فى مدونتك واللى تكتبه يعنى انا شايف ان كلامك مظبوط ميه فى الميهمعترض على اسلوب العرض ليس الا لانه فعلا كان حامى زيادة عن اللزوم ودخل فى ما لا داعى للخوض فيهوفى النهايه يبقى الاحترام والشكر على البوستوعلى دماغك ان لسه فيه ناس بتفكر فى البلد دى ومش عايشه بعقليه القطيع مع خالص تحياتى

  13. AbdElRaHmaN Ayyash Says:

    >:Dمش عارف اقولك ايهبس انا كنت باكل .. و كنت هموت من الضحك لما وصلت لنقطة الجي بي اس دي :D:Dعجبتني بصراحة :Dاسلوبك تحفة بجد و مش عاوز اعمم برده في موضوع السخرية بس انت كان ممكن تركز على الفكر السلفي نفسه و مش تتكلم عن حاجة ممكن كتير يعتبروها اصول في الاسلام و ملهاش دعوة بالسلفية ولا بالتشدد الديني تحياتي

  14. BooDy Says:

    >بجد، رائع. يارب يكون في جزء ثالث🙂

  15. hasona Says:

    >السلام عليكمكل سنة وانت بخيروكل سنة وجميع أحبابك بخير وصحة وسعادةوكل سنة وكل المسلمين علي شريعة الله وسنة الحبيب المصطفي رضي الله عنه وأرضاهوان شاء الله نستفيد من رمضان بكل السبلونخرج منه أفضل مما ولجنا بهيا رب أعنا علي القيام والصيام والصلاةووفقنا لما فيه الخير للجميع يا رحيم يا كريموارزقنا العفاف والرضا – والمحبة واهدينا يا عظيم وأعنا علي القيام والصيام والصلاة والارتقاءالي جنة الفردوس واجعلها لنا ميراث خير وسعادةواجعلنا من عتقاءك في هذا الشهر يا معطي يا وهابوارزقنا حلاوة القرآن و حسن تلاوتهوتدبر معانيه وفهم علي النحو الصحيحورطب ألسنتنا بذكرك يا الله

  16. د. إيمان مكاوي.. أم البنين Says:

    >أخي الفاضلإسلامنا الحنيف دين الوسطية في كل شيء ..ولو أننا في زمننا هذا فسرنا الوسطية على أهوائناعموما اتفق معك أن التشدد في الدين لا يخدمه بل يؤتي بنتائج عكسية ..ولكني أعتب عليك إستخدامك لحديث صحيح عن رسول الله صلوات الله وسلامه عليه وتغيير كلمات فيه لتخدم الموضوعأو لتهاجم السلفية فلنلتزم نحن بالدين الحقتحياتي

  17. أحمد مختار عاشور Says:

    >من أجمل المقالات الساخرة التي قرأتها على الإطلاقلم ألمح استظرافاً ولا استدرار للضحكات بالعافية………………..بالنسبة لاقتباس حديث نبوي في سياق المقال فهذا من أساليب الجمال المعروفة باسم التضمين البلاغي -على ما أذكر -.. وكم ضمنَّ شعراء وكتاب ما بعد الإسلام الكثير من الأحاديث والآيات القرآنية في أعمالهم.. لأن الثقافة الدينية في تكويننا وبالتالي لابد أن تظهر في كل ما نكتبه ولو في مقال ساخرلكن واضح أننا نسير للخلف در..والأمر لم يكن فيه شبهة سخرية أو استهزاء من الحديث الشريف .. فالمقال أتى ساخراً من السلفيين وبالتالي يسخر من كيفية رؤيتهم وتفسيراتهم للأحاديث على طريقتهم…….خالص تحياتي

  18. أليس في بلاد العجائب Says:

    >يقول الله تعالى: وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذاً مِثْلُهُمْ إِنَّ اللَّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً [النساء:140]***********يقول الله عز وجل: وَإِذَا رَأَيْتَ الَّذِينَ يَخُوضُونَ فِي آيَاتِنَا فَأَعْرِضْ عَنْهُمْ حَتَّى يَخُوضُوا فِي حَدِيثٍ غَيْرِهِ [الأنعام:68]

  19. انا حرة Says:

    >انا متفقة تماما مع احمد مختار و لو كان ليا تعليق فانت رديت عليه فى اول ملحوظة لانى ضد مهاجمة فكر بعينه او طائفة بعينها لان تصرفات البعض ما ينفعش ابدا تتاخد على انها مثال للفكر كله او لكل المنتمين له..لكن ردك على الملاحظة دى و وصفك للتشدد الدينى انا معاك فيه مليون فى الميةكل سنة و انت طيب🙂

  20. مخبر قمل دولة Says:

    >طب انت كده فرقت عنهم في ايه يا محمد ؟من حقك جدا تكون ضد الفكرانما الاسلوب كدهمش لطيف خالص

  21. SORG Says:

    >السلام عليكم ..صباح الفل ، ورمضان كريم عليكم جميعاً .البوست جامدة جداً وعجبتني ، إنت إسلوب السخرية بتاعك كان عبقري وأبهرني الحقيقة ، ده غير الإسقاطات الجامدة اللي فيه واللي مش عارف هل هي كانت مقصودة أم لا .المهم ، أنا قريت التعليقات ولاحظت إنها دايرة حوالين نقطتين ، المقال كمقال ساخر وصحة السخرية في حد ذاتها ، وموضوع الآية والحديثة والرموز الإسلامية المستخدمة بشكل واضح ف المقال .أبتدي بالرموز الإسلامية ، بصراحة أنا لأول وهلة تهيأ لي إن كلامك فيه إهانة للرموز دي سواء الحديث أو قائل الحديث وراويه والآية اللي موجودة والإعجاز العلمي في القرآن والنقاب بصفته رمز إسلامي .لكن لما تعمقت شوية في مضمون الكلام لقيت حاجة مختلفة تماماً أحمد مختار وضحها شوية لكن كتير ملاحظهاش ، مع إنها كانت واضحة أوي بالذات في الحديث ، إن المتشددين بيعتبروا نفسهم رسل وانبياء وليهم أحاديث بتروى ، ومشايخهم كلامهم في مقام كلام الرسول نفسه ، ودي حاجة حقيقية وأحمد بدوي كان حكى قصة واقعية قريب عن كدهhttp://bad-way.blogspot.com/2009/08/blog-post_29.htmlكذا في الإعجاز العلمي للقرآن والنقاب وغيرهم ، بيعتبروها حجات بتاعتهم همّ ويقدروا يتحكموا فيها زي ما همّ عايزين والمفروض إن كلامهم مهماً كان متخلف يتصدق كانه وحي وهمّ رسله .مش عارف إذا كان إسقاطك ده مقصود ولا عفوي ، الله أعلم بالنوايا بقى :)بس كون المقال جامد ده ميمنعنيش إني أنتقد حاجة زي كلمة "السلفية" ومش هازود كتير على كلام أحمد سعيد إلا إنه فقط اللي إنت زكرته مش بس بينطبق على المحسوبين على السلفية بل كمان على المتشددين الإسلاميين بوجه عام ، وإن كان أوضحهم المحسوبين على السلفية لكن الباقي مقدرش أنفيه .يعني .. لما ييجي واحد من الغرب ويكتب مقال ساخر عن الإرهاب ويسميه الإسلام بحجة إن المفهوم ده منتشر في الغرب والناس مش هاتفهم كلامه إلا لو قال كده وهو مكانش يقصد الإسلام بل يقصد الإرهابيين اللي بيستخدموه ، مأظنش هايبقى الموضوع لذيذ :)بالنسبة للمقال كمقال ساخر فمقدرش أقول إلا إنه ممتاز بحقّ ، وفعلاً إسلوبك جامد جداً في السرد والأفكار كانت روعة ..أما ف كون المقال الساخر ده حاجة صح أو لأ ، فدي حاجة خلافية فيه ناس شايفاها صح وناس تانية شايفاها غلط ويا ريت كل الناس تحترم إلإختلاف ده ومتفرضش وجهة نظرها على الأطراف التانية .طبعاً وجهة نظر الدين – لمن يهتم – في السخرية من الأشخاص يُسأل فيها علماء الدين ..أتمنى ماكونش نسيت حاجةرمضان كريم🙂

  22. Sameh Says:

    >السلام عليكمأنا عجبني جدا مقالك الساخر دة، سخرية تخفي وراها الكثير من الفهم لجوهر القصور و التخبط الفكري لهذا التيار، أنا بحييك على المقال دة، و انا شايف إن المصيبة القادمة في مصر و كل الدول الإسلامية هي اصطدام هذا التيار مع الإسلام الحقيقي و المسلمين الحقيقيين، و بالتأكيد طبعا أصحاب العقائد الأخرى وقعتهم هبابهاهاهاهااهيا رب يصلح حالنا و يهدينا جميعا إلى دينه الحق، بلا تشدد و تنطع، و لا تسيب و استنطاع

  23. زعلانه منكوا Says:

    >بصراحه طرحك للموضوع سئ للغايه لانك انت كده بتهاجم الله ورسوله وليس السلفيين عايز تهاجم او انت ضد حد اوك ما فيش مانع بس ما تدخلش كلام الله ورسوله فى الموضوع انت اوكلنا اصغر بكتير من اننا نخوض فى كلام الله ورسول بجد حرام الطرح ده طب تصدق انى والله بحسب ان اللى كاتب الموضوع ده مش مسلم انا اسفه انى بقول كده بس بجد عندى حق لان الكلام كده مش مظيوط انت عارف انت فى موضوعك ده جعلت اللى يقرؤه يركز اكتر على الكلام والاستهزاء من كلام ربنا والرسول عليه الصلاة والسلام اكتر من انه يركز فى موضوعك الرئيسي اللى تقصده وعايز توصله اوكى انت مختلف مع السلفين ماشي انتقدهم براحتك بس بالله عليك ماتدخلش كلام ربنا وسيدنا محمد اكرم الخلق فى الموضوع ماينفعش تتكلم عنهم بالاستخفاف ده مواضيعك كلها تحترم وجديره بالاحترام بس انت المره دى غلط جامد ونصيحه بجد استغفر ربنا عن اللى انت كتبته واتعود لما تنتقد حد تنتقده هو وترد عليه باسلوبك انت حتى ولو كان اسلوب لاذع ذى نقدى ده طالما ليس خروج عن الادب ياريت تكون قبلت كلامى ده معلش انا بغير على دينى جدا علشان اكون امام ربنا خلصت ضميري ودافعت عن كلام ربى ورسوله صلى الله عليه وسلم

  24. Ahmad attar Says:

    >هي هي هي ايه يا عم ده الكلام الكبير ده بس مأظنش دلوقت يا دماغي ان فيه حاجة اسمها سلفية محدش بقة يعمل كدة ولا بيقول النقاب دول دلوقت بقوا غلابة اوي محدش بيسمع لهم صوت الناس كلها دلوقت تطورت بقت تفكر وتقرأ والنت اتفتح وفين وفين لما نسمع عن واحد سلفي او واحد صوفي بقى يتشدد في الدين ويمكن انا مشفتش بس برضه العالم كله دلوقت سواء بقة مسلم أو بوذي او حتى بقري بقى يهتم بالقضايا دي لأنها بقت قضايا فرعية متهمش الناس في حاجة بس عامة انا عجبني البوست وضحكت واظن ان هوة ده اللي كان مطلوب ان احنا نضحك وخلاص زي مانت بتقول

  25. أثير Says:

    >دمك خفيف مثل العسل و كلامك صح ميه بالمية بس انا زعلانة منك لأنك تكلمت في مواضيع تافهة و نسيت أن السلفية المتشددة صحيح أنهم بيهتموا بمواضيع تافهة و لكن في نفس الوقت اسمهم متشددين يعني إيه ؟! يعني خطرين و بيكفروا كل الناس .. أنا و انت عندهم مشركين و كفار … ماهو كل من يخالفهم حيدخل النار بس مش مشكلة يكفرونا بكيفهم بس وصل الموضوع انهم يحللوا دمائنا … ليه ؟؟ خير ؟؟ هو احنا عايشين في حرب … أنا أختك شيعية من السعودية و بحب أهل مصر موووت لأن انتوا بتحبوا أهل البيت مش مثل السلفية المتشددة

  26. amaazo Says:

    >اي ان كان انتا عاوز توصلنا ايه مش المفروض خالص انك تتريق على القران او الحديث دا ان دل على شيئ يدل على ان انتا متطرف زيك زيهم بس دا اللى انا اقدر اقولهولك

  27. بطوط حبوب Says:

    >حمدى الموضوع سئ وسئ جدا كمان اقترح حذفه

  28. blackthunderg Says:

    >أنت جيت تكحلها عميتها بجد البلوجر ده المفروض تعدله او تلغيه لأان بدايته حرقت دمي لأنها منقوله عن الحديث الشريف للرسول صلى الله عليه وسلم وه نص الحديث للعلم بالشيءعن عمر -رضي الله عنه- أيضا ، قال : بينما نحن جلوس عـند رسـول الله -صلى الله عليه وسلم- ذات يوم إذ طلع علينا رجل شديد بياض الثياب شديد سواد الشعر، لا يُرَى عليه أثـر السفر ولا يعـرفه منا أحـد، حتى جـلـس إلى النبي -صلي الله عليه وسلم- فـأسند ركبـتيه إلى ركبتـيه ووضع كفيه على فخذيه، وقـال: " يا محمد أخبرني عن الإسلام، فقـال رسـول الله -صـلى الله عـليه وسـلـم- الإسـلام أن تـشـهـد أن لا إلـه إلا الله وأن محـمـد رسـول الله، وتـقـيـم الصلاة، وتـؤتي الـزكاة، وتـصوم رمضان، وتـحـج البيت إن اسـتـطـعت إليه سبيل).قال : صدقت.فعجبنا له ، يسأله ويصدقه. قال : فأخبرني عن الإيمان. قال : (أن تؤمن بالله، وملائكته، وكتبه، ورسله، واليوم الآخر، وتؤمن بالقدر خيره وشره).قال : صدقت .قال : فأخبرني عن الإحسان .قال : (أن تعبد الله كأنك تراه، فإن لم تكن تراه فإنه يراك).قال : فأخبرني عن الساعة .قال : (ما المسؤول عنها بأعلم من السائل).قال : فأخبرني عن أمارتها .قال : (أن تلد الأمَةُ ربتها، وأن ترى الحفاة العراة العالة رعاء الشاء يتطاولون في البنيان)ثم انطلق ، فلبثت مَلِيَّا، ثم قال : (يا عمر أتدري من السائل؟)قلت : الله ورسوله أعلم.قال : (فإنه جبريل أتاكم يعلمكم دينكم) [رواه مسلم]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: