>ذكرياتى الرمضانية

>

اليوم أدركت لماذا كانت ضحكاتنا نحن الأطفال تجلجل وتملأ أرجاء بيت العيله الكبير , بينما كان يكتفى الكبار بمداعبتنا والإبتسام فى وقار ممتزج بالهدوء .. اليوم أدرك أن مشاغل الدنيا تسرق من الكبار أفراحهم , تغتال البراءة رويدا رويدا بداخلهم

عندما كنت طفلا كان لرمضان طعم خاص جدا … كنت أحب أن يأتى رمضان فى الصيف لا فى الشتاء حتى أستمتع باللعب بدلا من المذاكرة , على الرغم من تفضيل الكبار لأن يكون رمضان فى الشتاء بسبب إحساسهم بالعطش فى الصيف , إلا أننى كنت من متبعى إسلوب خاص فى الصيام يعرف إختصارا بـ (صومة المخده) أو تفصيلا بـ (صومة المخده … كل ما تجوع … إتغدى ! ) .

وكان لأول أيام رمضان طقوسا خاصة .. يجب أن نتناول إفطارنا فى (البيت الكبير) وهو البيت الذى يضم جدى وجدتى , وبحضور جميع أفراد العائلة … خالى وخالتى وأبناؤهم , والجيران وأبناؤهم , وحتى الأصدقاء والمعارف .. كنا نجتمع جميعا فى بيت العيله … مايقرب من خمسون شخصا يملئون أرجاء المنزل الكبير .. نقضى نهار اليوم أمام التليفزيون حيث تتابع المراهقات الأفلام الهندية بطولة أميتاب باتشان التى إشتهر التليفزيون المصرى بتقديمها فى نهار أول يوم رمضان , بينما يبحث الكبار عن مسرحية سمير غانم .. أما نحن الصغار فموعدنا لحظة الأفطار مع كارتون نينجا تيرتلز أو مسلسل بوجى وطمطم …

كنا فى ذلك العصر الذهبى قبل أن يقلب الدش والريسيفر قواعد اللعبة , وقبل أن ينفتح الأطفال على ثقافة العالم بدون رقابة فيعرفون أن التليفزيون المصرى قدم لهم شخصيات النينجا تيرتلز بغير أسمائها الحقيقية , وكنا فى ذلك العصر الذهبى حيث الكارتون يقدم المتعة والتسلية للأطفال قبل أن يتدخل جباهزة الإعلام المصرى فى إنتاج كارتون كـ (بكار) , والذى يتصف بالسذاجة الامتناهية .

أما عن المطبخ .. فهذه قصة أخرى … هناك كانت تجتمع جدتى بأمهاتنا … وكانت رائحة الطعام المنبعثة من المطبخ كفيله بتهييج عصارة المعدة الهاضمة وحثها على إنتاج كميات أكبر , ورغم إصرارى على أن أصوم كالكبار فى أول يوم رمضان تفاخرا أمام أطفال العيله أننى أصوم كالكبار , إلا أننى لم أكن أستطع تمالك نفسى مع رائحة طشة ملوخية تداعب الأنف .. أو أرنب صغير الحجم يتم تحميرة … أما الدجاج والحمام فيعانى فى الفرن من هولوكوست يتضائل أمامه هولوكوست (هتلر) لليهود .

وكان دخول الأطفال المطبخ حيث تمارس جدتى حيلها السحرية فى الطبخ محفوفا بالمخاطر , حيث يعنى دخولنا نحن الأطفال إفساد الخلطات السرية والمكونات الخارقة التى تضعها الجدة العجوز على الطعام … كانت جدتى فى مهاره إعدادها الطعام تذكرنى بالسحرة فى Lord of the rings … قادرون دوما على إحداث المعجزات .

ولا يخلو الأمر من العديد من الشجارات التى كانت تقوم بسبب العدد الكبير … فتاتين من المراهقات يتشاجرن حول أولوية مشاهدة (أميتاب باتشان) أو الفيلم العربى الخفيف على القناة الأولى … أو مشاده بين إثنين من كبار العائلة نتيجة ضيق الافق الناتج عن عدم التدخين .. أما النسبة الأكبر من الشجارات فكانت شجاراتنا نحن الأطفال .. على كل شىء وأى شىء .. وكان شجارنا قويا فى بدايته , قليلا فى إستمرارة , حيث يعود الجميع أصدقاء بعد لحظات .

وأسفل بيت العيلة تستقر سيارات (الفيات) و (الادا) الخاصة بأفراد العائلة , كنا فى ذلك الزمن الجميل قبل ظهور (الانوس) و ( الانسر) حيث كان كاسيت السيارة هو معيار الرفاهية الوحيد قبل ظهور الـ Full options وحيث كان محمد ثروت وهانى شاكر هم ملوك عالم الكاسيت , وكان محمد فؤاد وعمرو دياب يحاولان نحت الصخر للظهور على الساحة فى زمن لم يكن يعرف السرقات الفنية وتسرب الألبومات عبر الإنترنت .

فى هذه السيارات كان يصحبنا خالى العزيز نجوب شوارع المدينة السعيدة , نشترى الحلوى والصواريخ الصغيرة و(البمب) , كنا فى هذا الزمن الجميل قبل ظهور صواريخ (ديناميت) الصفراء القصيرة , وكنا لا نلقى بالا بتخويف الكبار لنا بعدم فرقعة البمب بجانب أعيننا أو أذاننا .

كانت تنتهى جولتنا باقتراب أذان المغرب , ويمارس خالى (أمهر من شاهدته يقود سيارة فى حياتى) ألعابا بهلوانية للعوده بسرعه للمنزل قبل الأذان رغم صعوبة السير فى الطرقات , وكان المنزل قبل ثوان من الأذان يتحول لما يشبه خلية النحل , حيث تسيطر سيدات المنزل على الموقف إستعدادا للحدث الجلل .

ومع إنطلاق الأذان تهدأ الأصوات ويتعالى صوت المعالق على الأطباق والأكواب , ويرتفع فى الجو رائحة الطعام الشهى مقترنة بدخان سجائر طال الإشتياق لتدخينها , وأحاديث جانبية ضاحكة , وأخرى هامسة تحولت لحفلات خطوبة فى العيد وأنتجت أطفالا ألاعبهم اليوم فى رمضان بهدوء ووقار , اصحبهم لشراء (البمب) والصواريخ , أحذرهم من إنفجارها بالقرب من أعينهم وأذانهم , ,اطير كالبهلوان لأرجعهم لمنازلهم قبل أن ينطلق مدفع الإفطار .

رمضانكم كريم .

19 Responses to “>ذكرياتى الرمضانية”

  1. ستيته حسب الله الحمش Says:

    >كل سنة وانت طيبنفس اللي انا كتبته بس بتاريخ امبارحده مش توارد افكارنو .. ابسلوتلياللي انكتب ده اسمه مصرمصر في كل عصر ومع كل طفل مصر الوحيدة اللي فيها احساس بالمواسم مصر ام الفرحة وسيدة الأيام الجميلةتحياتي

  2. ســـــاره Says:

    >ذكرياتك عائلية جميلة بجدرجعتني لذكريات قديمة شوية .. يمكن انا كتبت عن بعض الذكريات البريئة في طفولتي بس لو اتكلمت عن رمضان والعائلة يبقى هحتاجه لوقت كتابة طويل :)حقيقي مدونتك مميزة جداااكل عام وانت بخير

  3. marmarmarmora Says:

    >جميله أوي ذكرياتك والأجمل لمة العائلات في رمضان بتكون لمة جميلة وأيام لا تنسى أحييك على مدونتك وكتاباتك الرائعة كل عام وأنتم بخير ورمضان كريم

  4. فتاه من الصعيد Says:

    >كل سنه وانت طيبرجعتني سنين كتير ورابس انا مازلت بحاول استمتع برمضانكل سنه وانت بألف خير

  5. واحدة مفروسة Says:

    >اولا كل سنة و انت طيب و بخيرو رمضان كريمفرستنىانا لسة النهاردة كنت بقول عاوزة رمضان بتاع زمان و احنا صغيرين يرجع تانيو الجو الرمضاني المفقودتحياتي

  6. micheal Says:

    >اولا..كل سنة وأنت طيب يا باشاكلنا لينا ذكريات مع شهر رمضان..أنا عن نفسي كنت بستني ساعة الافطار علشان أتفرج علي النينجا تيرتلز والباور رينجرز بعدين وطبعا بوجي وطمطم ولسه فاكر برنامج من غير كلام بتاع حسن مصطفي ومسلسلات ارابسيك والهجان:)وكلام من ذهب وحوار صريح جدا:)تحياتي

  7. bos bos Says:

    >كل سنه وانت طيب يا محمد وحرام عليك فكرتنى بحاجات مش عايزة افتكرها

  8. *البت المشمشية *حلوة بس شقية * Says:

    >كل سنة وانتا طيب

  9. وومن Says:

    >كل سنة وأنت طيب يا محمد ورمضان كريم رمضان دة بتاعنا كلنا فين بقي رمضان اللي انت بتككلم عنه ده مش فاضلنا دلوقتي غير اننا نجيب الفوانيس ونزعق للولاد الصغيرين علي فرقعة الصواريخ والبمب

  10. خمسة فضفضة Says:

    >السلام عليكم ورحمة الله وبركاته كل سنة وانت طيب يا محمد تصدق بالله اني كنت داخله اكتب كلام شبه ده بس لقيت يجي 3 او 4 مدونات كاتبين عن نفس الفكره تقريبا كلنا مش عاجبنا الحال وعاوزين نرجع تاني صغيرين كل سنة وانت طيب سلام

  11. ضكتور جدا Says:

    >كل سنة وانت طيب تحياتي

  12. Rannon Says:

    >أجمل ذكريات ذكريات رمضان والعيد واللمة بصفة عامةكل سنة وانت طيب يا حمدي🙂

  13. دعاء على Says:

    >كل سنه و حضرتك طيبذكريات جميله جدا أكيد رمضان بيبقى مختلف عند الاطفالبس لازم نستمتع بيه و احنا فى اى سن (:كل عام و انت الى الله أقرب

  14. Tamer Nabil Says:

    >السلام عليكمكل سنة وانت طيبرمضان كريممع خالص تحياتى

  15. Tamer Nabil Says:

    >السلام عليكمكل سنة وانت طيبرمضان كريممع خالص تحياتى

  16. enjy Says:

    >تحفة تحفة البوست دة تحفة واللهقلبى وجعنى وانبسطت وفرحت وضحكت ودمعتكل سنة وانت طيب

  17. جلال Says:

    >تقريبا نفس رمضان و أنا صغير رغم إنه كان أقل ثراءا من كده شوية..الرخم إنه دلوقتي معدش حد بيحس برمضان خالص تقريبا…على الأقلم ن اللي أعرفهم..مع إننا مش كبار قد كده.

  18. جلال Says:

    >و رمضان كريم

  19. nona Says:

    >كل سنة وانت طيب ويارب يكون رمضان السنة دى سعيد على الكل انت عندك حق فعلا رمضان زمان كان مختلف عن دلوقتىكان له روح جميله واحساس رائع دلوقتى بنحاول بكل قوتنا نحسس نفسنا بيهزمان واحنا صغيرين واحنا عايشين فى بيت العيلة كان له بهجة مختلفةدلوقت الناس معدش عندها التقارب بتاع زمان ولا روح زمانرمضان كريم

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: