>حوار مع دماغى

>

لما طلب محمد التهامى انه يعمل معايا انترفيو .. حسيت إنها فكرة غريبه لانى مش شخصيه عامه علشان أعمل حوار مع حد .. لكن بعد شويه فكرت لقيت ان الحوار فرصة للفضفضه مع النفس وعرض جوانب يمكن محدش يعرفها عنى , علشان كده وافقت أعمل الحوار ده , وبجد محمد كانت اسئلته جميلة وطلعت حاجات كتير كنت عاوز اقولها .
دماغك فيها اية

فيها أفكار حاسس انها مختلفه عن افكار السواد الأعظم من الشباب اللى فى سنى .. أو حتى الأكبر من سنى

يمكن بسبب التعليم .. أنا فى مرحلة إبتدائى إتربيت فى مدرسة راهبات . الفرنسية كانت اللغة الأولى هناك .. إتعلمت هناك الفرنساوى وكيفية تقبل الأخرين مهما كانوا مختلفين معايا .. من هنا بدأت أنفتح على معرفة ثقافات وأديان جديده .. كان سنى صغير وكنت بتشرب المعلومات زى الأسفنج ما بيشرب الميه . لما كبرت عرفت إن ناس كتير إتربوا فى الفترة دى على عدم تقبل أى شىء إلا اللى هما اتربوا عليه . من هنا جه الاختلاف

طب لية مش عايز تعيش زي الناس

لما دخلت المرحلة الاعدادية حصل صدام بين اللى اتربيت عليه وبين اللى شفته فى المجتمع . ساعتها قررت أعيش زى الناس وأبطل أسأل (ليه , إزاى) .. بعد فترة أدركت إنى مستحيل هقدر أعيش كده .. وقررت أرجع تانى لدماغى والى يحصل يحصل

حصل صدام بين افكارى ومعتقدات الآخرين . وفشلت ألاقى حد يتفاهم مش يتخانق معايا. من هنا اتجهت للكتابه والنشر لدايرة أوسع من الناس اللى بقابلهم بشكل يومى عشان اعرف انا افكارى صح ولاغلط

حبيت يا محمد

حسيت بمشاعر إعجاب كتير , لكن علاقه حب حقيقية مدخلتهاش , يمكن لإن مسئولية كسر قلب إنسانه بنت ناس فى حالة فشل الحب بتخلينى مش عاوز ادخل علاقة حب إلا لو كنت متأكد من إنها الإنسانة اللى هعيش معاها اللى باقيلى من عمر

مين اجدع امرأة في مصر

أمى
ولو إنضاف على عمرى 3 أعمار كمان مش هرد 1% من اللى عملته معايا
وبتعمله
وهتعمله
غير امك مين الشخصيات العامة

أهم من الشخصيات العامة فيه أمهات فى أماكن تحت خط الفقر بتطلع ولاد أحسن منى ومنك ومن عشرة زينا .. هى دى أجدع ستات فى مصر
لكن لو عاوز إسم حد مشهور ممكن أقولك جيهان السادات

لية بقي جيهان و لية انت بتحب السادات عن ناصر

أنا بطلت عبادة أصنام من البشر .. بالتالى أنا مؤمن أن لكل رئيس حكم مصر مجموعة عيوب ومميزات . من وجهة نظرى (توليفة) عيوب ومميزات السادات هى أفضل توليفة للتلات حكام اللى حكمونا

ليه جيهان لإنها قدرت تقوم بدور فعال وحقيقى فى حياة رئيس الجمهورية بذكاء , بحيث متظهرش انها متسلطه وفى نفس الوقت متقعدش فى الضل
زمان كنت أبيض وإسود فى إختياراتى .. كنت بحب ناس بجنون وأكرة ناس بإفترا .. النهرده إتعلمت إن فى الحياة مساحات واسعة من تدرجات الألوان بين الأبيض والإسود

نفسك ترتبط بواحدة شبه جيهان السادات و توقف جنبك زي ما وقفت جنبه

نفسى أرتبط بإنسانة تكون جنبى وأكون جنبها لحد ما نكون عواجيز ومبقاش فينا أى شىء مادى يجذب الأخر

تفتكر ان مجتمعنا فى وسط الضغوط دى ممكن حاجة حلوة تحصل

ده فعلا بيحصل كل يوم .. وده سر الشعب المصرى الى بيطلع من عز الأزمة بحاجه كويسه ويقدر يتكيف مع كل الظروف الصعبه حوالية .. أظن ربنا لو دخل الشعب المصرى جهنم هيقدروا برضوا يتكيفوا معاها ويعيشو فيها

المصريين اخترعوا لغات حيه جديده زى الفرانكو اراب للموبايل
ولغة الرنات عشان معهمش رصيد
شايف مستقبل مصر ازاي

مستقبل مصر متقلب زى موج البحر .. واللى يقولك انه شايف اى حاجه يبقا كداب
؟

خايف من المستقبل

لا خالص
انا خايف من التقلبات اللى هنشهدها وفى نفس الوقت مش مرتاح فى الوضع المستقر
مصر عامله زى الكتكوت اللى الحاوى كان بيخليه يرقص على الصفيح من خلال انه يسخن الصفيح تحت رجله .. الكتكوت هيجوع لو منطش ولو وقف هيتلسع

امتي تحس انك مضايق ؟

لما بلاقى موضوع حسمناه من الف سنه وحد لسه بيفتحه او يجادل فيه , ولما اشوف موقف المس فيه اد ايه لسه فى ناس عندها ازدواجية فى افعالها

ساعات بحس يا محمد انك بتحارب طواحين الهوا

أنا مش بحارب أصلا ! أنا بطلع الكلام اللى جوايا وخلاص .. لو صادف وحد اتغير بسببه – وده نادر – يبقا انا كسبت مكسب كبير .. ولو محدش اتغير يبقا انا برضو مستفيد ان طلعت اللى فى ” دماغى

16 Responses to “>حوار مع دماغى”

  1. Rannon Says:

    >علقت عالحوار عند تهاميبجد حوار ممتع مع اننا عارفين أغلبه :Pبجد عجبني جدا الحوار وكنت بتمنى يبقى أطول

  2. كيــــــــــــارا Says:

    >لااااااااااا يامحمد كدا الحوار ناقص كان نفسي تطلع كل اللي جواهايه رايك نكمل الحوار احنا كمدونين ونساااال براحتنا ايه رايك ؟؟

  3. *البت المشمشية *حلوة بس شقية * Says:

    >اولا انتا شخصية تستحق الواحد يعمل معاها حواربس بجد عشان انا سعات بحس انك فعلا دماغ وعبقرى وهتبقا حاجة فى يوم من الايام انا متاكدة وبجد شكرا انك قوولتلى على الشرق الاوسط الىل كتبت عنى بس عرفت ازاى ؟ رود عندى فى المدونة

  4. قلم رصاص Says:

    >السلام عليكمردودك عبقرية ياأستاذ محمدلكن لي تحفظ على قولك ان ربنا دخل الشعب المصري جهنم ..هيعرف يتكيف معاهاحضرتك مكنتش حريص في كلامك في هذه النقطةوعن اختراع المصريين للغة الفرانكو آراباسمح لي اصحح لك هذه المعلومة ، فالمصريون ليسوا من اخترعوا هذه اللغهتاريخ الفرانكو أراب بيبدأ من زمان من ايام سقوط الاندلس في ايدي الفرنجهوايام محاكم التفتيش الاوروبيهههههههههههههمعلهش احنا بنتكلموانا اعلم انك تقبل الرأي الأخر

  5. Nora 7wades Says:

    >بجد حوار جميلواحاسيسك نبيلة

  6. أسماء علي Says:

    >جميل الحوار بجد حسيت اد انك حد قريب جدا مننا افكارك جميلة و بسيطة و واقعية جدا دمت بود حقيقي

  7. mohamed ghalia Says:

    >حلوة يا محمد الإجاباتربنا يوفقك فى حياتك القادمة ويسعدك

  8. سبهللة Says:

    >فى العادى انا معجبة بكتاباتك لكن المرة دى اسمحلى اقولكان الحوار كان قصيرا جدا زيادة عن اللزومواسمحى اقولك انه ماعجبنيش منك الجملة دى "أظن ربنا لو دخل الشعب المصرى جهنم هيقدروا برضوا يتكيفوا معاها ويعيشو فيها"

  9. candy Says:

    >ليه مش بتحارب؟؟؟أمال احنا عايشين علشان نقولونقول…ونقول…وبس !مش كفاية أنت تبقى بتفضفضوإلا يبقى حضن والدتك اليدة العظيمة كفاية ، بل أكيد افضل من المدونات والجرايد والمجلات والندواتأنا بقى بعترف أنى بحارب طواحين الهواهافضل احارب للنفس الأخييييييييييييير

  10. بسنت Says:

    >جميل الاختلاف وتقبل فكر الاخر المختلف لان فعلا فكره تقبل كافه الاراء شئ صعب جدايحتاج لدماغ عاليا وناضجهوبعيده عن التعصبودا شيفاه مشكلتنا الاكبرحوار جميل لانه وضح وجهات نظرك المحترمهدمت بخير

  11. نور جديد Says:

    >al salam 3alaykom mr. mohamadel 7ae2aa ana mabsota besfa 3ama men el modawana wl dma3` bardo3ala fkra ana mesh ba7b el fronk arab bas l key board 3andy bazetw lazm at3ayash l7ad ama ageeb 3`rha isa bel tawfee2 ya rab

  12. شيماء الجمال Says:

    >تحياتي لماما وباباانت فاهمني طبعاًهاااااااااااااع:)

  13. مريم Says:

    >قشطة يا محمد باشا عقبال ما نقرالك مقابلة فى الواشنطن بوستولو انى كان نفسى اعرف اين ترعرعت يا اخى بس بجد بجد انا مش عارفة ليه الناس واقفة اوى على موضوع التكيف فى جهنم يعنى مع انه مجرد تعبيرهوه مش الشاعر قال على مصر انه لو شغل فى الخلد عنها لنازعته اليها فى الخلد نفسهقال يعنى هوه هيبقى قاعد فى الجنة وحواليه المزز _قصدى الحور العين يعنى وبعد كل ده قال ايه مصر هتوحشهطبعا كانت واسعة برضه لكن احنا قبلناها عشان المهم هوه الغرض اللى ورا اللفظ وبس

  14. صاحب المضيفة Says:

    >اجابات جميلة تنم عن عقل متزن يستوعب الاخر ويبحث عن مزاياه ليستفيد منها دوماكل التحية والاحترام

  15. فتاه من الصعيد Says:

    >أجابات رائعه ….. دايما للأمام

  16. micheal Says:

    >أنا من أول مرة شفتك فيها حاسس أن دماغك مختلفة وجديرة بالاحترامأنا عن نفسي بميل للسادات نوعا ما عن عبد الناصر بسبب نظرية الأصنام رغم أن من حوالي 4 سنين مكنش ده كلامي:)تحياتي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: