>الوزير (الغير) فنان

>

العلم الإسرائيلى الذى أنزل عن الأراضى المصرية بالكامل عام 1989 بعد تحرير طابا . يبدو ان الوزير المكروه داخليا المهمل خارجيا فاروق حسنى قرر ان يعيد رفع العلم الاسرائيلى على ارض مصر الطاهرة من جديد .. وتحديدا أرض مدينة السويس الصامدة من خلال ضغطه على القائمين على مهرجان السويس لضم إسرائيل للدول المشاركه فى المهرجان بحسب ما نشرته جريدة الشروق .
هذه الخطوة (الشاذة) من هذا الوزير ليست الاولى ولن تكون الاخيرة . فللوزير تاريخ طويل من القرارات والمشاركات الاستفزازية لكافة طوائف المجتمع المصرى منها على سبيل المثال لا الحصر تصريحاته المهينة للحجاب بالرغم من انه يحيا فى دولة يعتبر السواد الاعظم من نساءها محجبات , بل ان الوزير المحترم يقبض راتبه من وزارة الثقافة من ضرائب يشارك بجزء كبير منها نساء محجبات عاملات .
أيضا لا ننسى حريق قصر ثقافة بنى سويف الذى لم يتحمل الوزير المسئول مسئوليته الا بعدما شن المثقفين والمهتمين حملة واسعة لادانته فقدم استقالة رمزية لرئيس الجمهورية من باب تهدئة الرأى العام . وسرعان ما تم رفض الاستقالة وتسكين الموضوع
ومن ينسى مشاركته فى تظاهرة للمثليين جنسيا بالعاصمة الايطالية . شخصيا لا أملك شيئا ضد المثليين , إلا أننى أجد أن مشاركة وزير واحدة من اكبر الدول الاسلامية فى تظاهرة للمطالبة بحقوق المثليين جنسيا أمرا مستهجنا و (شاذا) فى حد ذاته.
ولا نتذكر لفاروق حسنى سوى موقفا واحدا مشرفا عندما صرح باستعداده لحرق اى كتاب بالعبرية فى الاسواق المصرية . والحمد لله فقد تراجع الوزير الهمام عن هذا التصريح واعتذر عنه رسميا فى مقال نشر بجريدة لوموند الفرنسية عندما لاح فى الافق بوادر عدم فوزه فى ترشيحه لرئاسة اليونيسكو . فسارع الوزير لتقديم فروض الطاعه وقرابين الاعتذار للأولياء اليهود , بل وأصر على دعوة اسرائيل لحضور مهرجان السويس وكإنما نسى تماما كم فقدت مصر من أبناء لتحرر السويس من اليهود فيما مضى . الأمر الذى إستفز الرجل الحر السيد على السويسى مدير المهرجان وجعله يتمسك بموقفه من رفض دعوة إسرائيل للمهرجان
سيادة الوزير الـ(غير فنان) : يا تفهم طبيعة البلد اللى انت وزيرها .. يا تستقيل وتتفرغ لتقديم القرابين لألهة دولة صهيون !

11 Responses to “>الوزير (الغير) فنان”

  1. فتاه من الصعيد Says:

    >انا شايفه ان صلاحيته انتهت وبقا اكسبير……وصلت درجه لحس حذاء اسرائيل الى مداها…..ومستفز لينا كلناعلشان يكون موظف فى اليونسكو …. يضرب بكل مسلمات البلد عرض الحائطبس ايه النشاط التدوينى ده…..انت تتحسددمت بخير ونشاط

  2. إيناس حليم Says:

    >بوست جامد جداتحياتي

  3. !!! عارفة ... مش عارف ليه Says:

    >الموضوع كله في إطار سعيه للفوز بمنصب اليونيسكووافتكر إنه إن شاء الله مش هيشوفه وكل اللي هيكون استفاد من اللي بيحصل ده هو اسرائيل اللي اخدت مكاسب جديدة على أمل انها ترضى عنهودمتموليد

  4. وومن Says:

    >الراجل دة لا يشيلوه لا يشليوه الكلام كتر حواليه والنقد ذات وبقي عامل زي الطبخة الحمضانة هو مفيش مثقف في البلد غيرهبناقص وزارة الثقافة خالص

  5. سبهللة Says:

    >واحد بقاله اكتر من 20 سنة وزير ثقافةعمل ايه؟؟فين الثقافة دى اللى مغرقة البلددة 80 فى المية من المصريين اميينولا هو موجود فى الوزارة عشان كل شوية يشخبط كام شخبيطة ويعمل له معرض ماحدش فاهمله اول من اخرربنا يرحمنا منه

  6. مخبر قمل دولة Says:

    >محمد انت بهدلت الراجلبس بهدلة بالاصول يعنيغير ان اراءك هنا عاجباني جدا ومتفق معاك فيها جدالسه حالا قبل ماجي عندك كاتب موضوع عن تجربة ليا مع قصور ثقافة الوزير الفنانشبه توارد افكار يعنيبس انت ركزت المنظار على الراجل بصفة خاصة وجبتله القديم والجديدانت جبت الصور التحفة دي منين D:

  7. بدراوى Says:

    >اساساًترجمة كتب عبرى مش شىء غلطديه حاجة و التطبيع حاجة ثانيةامال احنا نعرف اعدائنا ازاى بالضبطبس هو الصراحة اعلن لجريدة اليوم السابعاستعداده للسفر لإسرائيلاقلع كمان و كمان يا عم روقا!!!–انا بدراوى الأشهر من نار على علماللى قولتلك على انفلونزا الفلافل:-)

  8. hager za3bal Says:

    >متفقه معاك 100%ودا مش جديد علي فاروقحسني يعني :))

  9. Yasmine Madkour Says:

    >أولا .. واضح جدا من كل اللي انت بتقوله استنتاج واحد فقطو هو إنه "جبان" و أعتقد إن الفنانين .. مهما اختلفوا في صفاتهم إلا أنهم يجتمعون علي صفة الشجاعةو إلا لما نعتهم أحد بالمجانين

  10. affiliate_vip Says:

    >wonderful blogwant to contact with ucomment on minewww.theway2profits.blogspot.com

  11. Sacandary Says:

    >عندك حق يا أستاذ محمد الراجل ده معملش حاجة عدلة في البلد غير شوية الشخبطة اللي بيقول عليها فن وكل شوية يقعد يعمل في حفلات وحبشتاكانات ورغم إن الراجل ده وزير الثقافة ألا أنه عنده ( قصور ) في الثقافة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: