>المدونون يجيبون : لماذا رسب الطالب؟!

>

هذا الموضوع لا يهدف للسخرية أو الإهانة , هو فقط مداعبة صغيرة لمجموعة من المدونات إعتدت متابعتها ومعظم كتابها أصدقائى بشكل شخصى .. فلهم تحياتى و … مداعباتى .

لماذا رسب طالب الثانوية العامة فى الإمتحان ؟

وائل عباس :

 الطالب مظلوم .. وأنا جالى النهردة فيديو متصور فيه الطالب وواحد من كلاب العادلى بيضربه بالجزمه .. الفيديو حطيته على يوتيوب لكن الخـ… المعـر… شالوا الفيديو مش عارف ليه بس أنا مش هسكت .. بعت إيميل قلتلهم فيه ياولاد الوسـ… يا بتوع هيكل ياللى بتشجعوا حماس العربجية احفاد عبد الناصر ابن المتـ… رجعوا الفيديو بتاع الطالب وبلاش شغل الشـ… ده .. أصلا أنا عارف مين من إدارة اليوتيوب اللى عمل كده كويس .. وهو عارف انى عارفه و طـ…. حمرا كمان … لازم تقاطعوا اليوتيوب لحد ما يرجع فيديو الطالب !

 غاده Wana be bride :

ياخراااااااااااااااااابى يا بنات تعالوا شوفو القصه دى فى بيت العرايس والعرسان .. اتقدملى شاب زى العسل .. والله زى العسل بجد .. كنت قاعده فى أمان الله لقيته داخل عليا زى ليوناردو دى كابريو بيقولى أنا معجب وعاوز أتقدم … قلبى وقع فى رجلى وقلت بركاتك يا طنط فيفى …. المصيبة انه فى الاخر طلع طالب ثانوية عامه وسقط فى الإمتحان كمان … يا حظظظظظظظظى الإسووووووووود غطونى وصوتوا .. ومتنسوش حفل توقيع النسخه الخمسه وتلاتين من الكتاب بكرة الساعه سبعه ونص مساء فى دار الشروق .

أحمد شقير :

تقرير شامل عن الطلبة الذين رسبوا فى إمتحانات الثانوية العامة منذ عام 1928 حتى اليوم

قطة الصحراء :

النهرده عرفت ان طالب الثانوية العامه سقط فى الامتحان … يانهار اسود على حال البلد اللى بيروح من سىء لأسوأ أنا بصراحه مش قدرت أصدق … أدى أخرة إنتشار النقاب فى المجتمع .. الطالب وهو رايح الإمتحان مش شاف غير بنات لابسه نقاب وطبعا نفسه إتسدت ومش عرف يحل كويس … ربنا يحرق الإخوان ولاد الكلب وحماس والستات المنقبات والسلفيين ومدوناتهم … وخصوصا المدون أبو دماغ واللى فاكر إن له دماغ مختلفه عن دماغ الناس التانيين اتفو عليه وعلى الحجاب وعلى التدين وارد الخليج العربى اللى بيخلى الطلبه مش تعرف تحل كلمتين على بعض .

نوارة نجم :

مش قلتلكم ؟ بالذمه انا قلت ولا مقولتش ؟ اصل انا عارفه ان فى واحد ابن ستين كلب هييجى يقولى ان انا مقولتش ان الطالب هيسقط فى الامتحان … النهارده كنت عند طنط عفت .. اللى هى مرات خالو عزيز ولقيتها بتقولى إن الطالب سقط فى الإمتحان انا طبعا قعدت أعيط لإنه كان صعبان عليا جدا .. يارب يكون الوزير الحقل فرحان دلوقتى هو وبايضن … وأدى أخرة اللى يسمع كلام السادات الله يحرقه مطرح ما راح … انا هسيبكم تقولوا اللى انتو عاوزينه فى التعليقات بس لو حد ابن كلب دخل قال ان الطالب سقط عشان مذاكرش .. وحياة دينى لأفرج عليه البلوج كله

أحمد الصباغ :

دى صورة الطالب وهو طفل .. ودى صورته وهو شاب .. ودى صورته قبل ما يسمع خبر سقوطه ودى صورته بعد خبر سقوطه ودى صورتى مع الطالب بعد ما سقطت ودى صورتى وانا بصور الطالب الى سقط ودى صورتى بعد ما صورت الطالب اللى سقط .. لو عاوز تشوف الالبوم كامل على الفيس بوك دوس هنا وممكن كمان تشوف الإيفنت بتاعة تجمع المدونين عشان نخفف من ألامه هنا وإنتظروا التحديثات على هذا البوست هنا .

كوكب أبى :

أزيكم يا فياكين وفيكونات ؟ النهرده جالى خبر اوحش من البتنجان .. وهى ان طالب الثانوية العامة سقط … لا مسقطش من الدور الرابع هو سقط فى امتحان (الثانوية السامه) قصدى الثانوية العامة … ممكن تنطح هنا عشان تشوف الخبر بالكامل … انا عيطت جامد جدا انا والخروف البمبى … وبعلن من هذا (الممبار) قصدى المنبر .. تضامنى البتنجانى الكامل الشامل العامل الخامل مع الطالب الساقط وبعلن إنى تحت أمره انا وبطوط لو عاوزنى أوصلة فى اى مكان فى جمهورية مصر الغربية وأى حد هيفتح بقه هخبطه بقله على دماغه … كانت معكم عقيد لواء طالب متقاعد أبى هانم البتنجانى ..  حكمة الإمبراطورة : يا مأمنه للثانوية يا مأمنه للمراهق فى الكليه .

بنت خيخه وأى كلام :

 ياااه .. مش عارفه فى ايه الاخبار الوحشه كتير ليه النهرده … للأسف طالب الثانوية العامة سقط فى الإمتحان .. وأنا من هذا المنبر الخيخى أعلن خالص عزائى الخيخى للشاب الساقط .. وأحب أسمع أغنية الساقط يرفع أيده من غناء الراحل عبد الحليم خيخه

يوميات مطلق :

إيه الحياه الخـ… دى ؟ طالب الثانوية العامه سقط ؟ وانا بقالى 01287046977 يوم مش عارف أشوف بنتى .. طب ده يرضى مين يا عالم ؟ يخرب بيت أم الحياه اللى بالشكل ده .. انا خلاص زهقت من حياتى .. مرتبى كله بصرفه على المحاميين وفى الأخر الست هانم خدت حكم محكمه بنفقه 160 قرش فى السنه على بنتى .. طب اجيبهم منين ياعالم يا غجر يا لمامه يا ولاد تيييييييييييييييييييييييييييييييت !

منال وعلاء :

النهرده عرفت خبر سقوط طالب الثانوية العامه .. حقيقى زعلت .. لدرجة انى قررت انى مش هحضر مؤتمر البرمجيات المفتوحه والجنو لينيكس والاوبنتو اللى كنت هحضره فى جنوب افريقيا وكنت هلقى فيه كلمه فى افتتاحية المؤتمر … انا واثق إن التضامن مع طالب الثانوية واجب لا راديكالى امبريالى تحضرى تقدمى انفتاحى لابد يكون لنا معاه وقفه تضامنية هنعلنها من خلال شبكة اجتماعية ترويجيه استهلاكية بحته هى الفيس بوك

البت المشمشية حلوه بس شقيه :

طالب الثانوية العامة سقط للأسف … ربنا يكرمه وينجح السنه الجايه ان شاء الله رب العالمين .. بجد انا من كل قلبى بدعيله ربنا يكرمه ويوفقه يارب امين … وياريت كلنا ندعيله ربنا يكرمه السنه الجايه .. وانا كلى ثقه ان ربنا هيكرمه لان ربنا كرمنى قبل كده كتير واكيد كرمه هيكرمنى المره دى كمان وهيكرم طالب الثانوية العامه ويكرم كل الطلبه يارب .. وياريت تدعولى انا كمان ربنا يكرمنى واروح مكه المكرمه

86 Responses to “>المدونون يجيبون : لماذا رسب الطالب؟!”

  1. Rannon Says:

    >هههههههههههههحلوة قوي بجد يا محمدتقمصتهم حلو قوي عجبتني جدا :))تحياتي🙂

  2. Desert cat Says:

    >هههههههههههههههههههههههههههههههههههههههههههحرام عليك انا قربت افطس من الضحك انت متقمص الشخصيات بشكل بشع اكتر حاجه ضحكتنى الصباغ وبرايد كمان نوراة ولا انا واللى هيجرى لى على يدكككككككمش بعيد يدخلوا يقيموا عليا الحد هنا لاء فعلا دمااااااغ

  3. مواطن مصري Says:

    >هوا مين الطالب الي سقط دة امال لو عرفت انا كنت جايب كام في الثانوية العامة هتعمل اية:))))

  4. انا حره Says:

    >ههههههههههههههههههههلابجد بوست تحفه وعامله بمزاج عالى اوىكله كوم والصباغ كوم هههههههههه

  5. Sarah el eskafy Says:

    >]خرب بيت فقركضحكتنى وانا مكتئبة

  6. بت خيخة وأي كلام Says:

    >ههههههههههههههههههههههههههيا دماغك العاااااااااااااااااليةاكتر حاجة عجبتنى الصباغ وقطة الصحراء ونوارة و ابىبجد جامدة جدابس سؤال خيخى بينى وبينك ومتفضحنيشهو ايه حكاية الطالب الساقط دى لانى مش فاهمة حاجة؟سلاماختك خيخة

  7. طالب ثانوى Says:

    >هههههههههههههههههة بوست تحفة جميل جدا وانا داخل مخضوض من الاسم اكتر حاجة ضحكتنى وائل ونوارة وقطة اصحراء

  8. طالب ثانوى Says:

    >بس اوعى تكون بتلقح الكلام عليا

  9. *البت المشمشية *حلوة بس شقية * Says:

    >ههههههههههههههههههمش انا دى خالصهو ان اكدة هههههههههههههوالله عسل يا محمد عجبتنى بتاعة ابى والصباغ مووووووووت

  10. وومن Says:

    >ههههههههههههههههههههههههه لا بجد بجد تحفة يعني لو في كارير في تقليد الكتاب زي تقليد الفنانين كنت بقيت استار في الكاريير ده يا خوفي لا تكون بتقلدهم في الحقيقة كمان بس بجد دمهما خفيف مووووووووووووت

  11. حـنــّا السكران Says:

    >هههههحلوة.. حلوة ..حلوة جدا

  12. Ahmed Al-Sabbagh Says:

    >هههههههههههههههههههههههههههههههههههههههههههههههههههههههههههههههههههههههههههههههههههانا شرقت وكنت هموت الله يسامحك

  13. adel Says:

    >ههههههههانا اول مرة ادخل عندكبس بجد تحفةاجمد واحدة ابي و البت المشمشيةهههههههههههه

  14. AbdElRaHmaN Ayyash Says:

    >هههههههههههههلا جميلة بجد:D:D:D فعلا جميلة

  15. hesham Says:

    >ههههههههجامدة جدا جدا ياباشا بجد تقمص شديد الواقعية لشخصيات المدونين الالكترونيةبوستك عمل لى دماغ,, و دماغ عالية كمان:)هش

  16. شيماء الجمال Says:

    >:)ماشي يا عم المتقمص

  17. عم مينا Says:

    >هاهاهاهاهاأنا مش قادر أمسك نفسي من الضحك

  18. Appy Says:

    >ماشي ماشى انا بتكلم كده ماشي ان ما بعت لك كام خروف ينطحوك مبقاش انا بجد تسلم ايدك حلوه يا محمد وفكره جديده وانا بعتز بمعرفتى بيك ولو انها مبقتش على ارض الواكع

  19. جبهة التهييس الشعبية Says:

    >ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههحرام عليكهههههههههههههطب كده اخص عليك نسيت مراقب مصري وتقاريره؟اولا بيان المبادرة المصرية بخصوص سقوط الطالب في الثانويةثانيا الناس الحنجورية اللي فضلت ورا الطالب لحد ما سقطرابعا العهد الدولي لحقوق الانسان اللي بيقول ان مافيش طالب في الثانوية العامة يسقطههههههههههههههههههههههههههههههههههههههههههههههههانا بطني وجعتني من الضحك

  20. dr.Roufy Says:

    >:))بجد بوست رااااااااائععجبني جداتحياتي

  21. احساس لسه حى Says:

    >فكره حلوهوانا قريت اللى يهمنىوبجد اى حد هيقرا تصورك لرد قطه هيفهم الانسانه دى كويسوعلى حظك اخر موضوع اكبر مثل لكدهههههههههههههههههههههاحيك هحطه فى بوست عنها قريبوحقك محفوظ كصاحب الفكرهتحياتىسلام

  22. جبهة التهييس الشعبية Says:

    >لا يا جماعة بتاعة احمد شقير كمان فظيعةهههههههههههههههههههههههههههههههههههههههههههههههههههههههالصنف المرة دي عالي جدا يا محمدالا بالمناسبة صحيح انت بتعرف عبري؟قول لي بقى ما بتعرفش عشان اشعلقك من حواجبك:D

  23. جبهة التهييس الشعبية Says:

    >انا عملت لك لنك وطلبت ملحق

  24. Eman Hashim Says:

    >LOOOOOOOOOOOOOOOOOOOOOOOLهههههههههههههههههههههيالهوى على الصحححححححححكحلوة اوى اوى

  25. mido Says:

    >@ طالب ثانوىيا فاروق عادل أيوة قصده عليك :)))هو فيه غيرك:D 😀

  26. أنا و دماغي Says:

    >هههههههههههههههههههجاااااااااااااامده جداااا

  27. أكون أو لا أكون Says:

    >ههههههههههههههههههعجيبه…

  28. FreeKiller Says:

    >ههههههههههوصفت الصباغ كألغ ما يكونتسلم ايدك بجد

  29. FreeKiller Says:

    >كأبلغ*

  30. ـ-ـ- أحمد عبد العدل-ـ-ـ Says:

    >ما شاء الله مجهود جميل أوى … بس فقرة الصباغ المصوراتى ) جميلة جداً .. كأنهم هما اللى بيكتبوا فعلاً دمتَ جميلاً وداموا بخير

  31. arrow Says:

    >جميلة جدا وفكرتها جديدة

  32. بدراوى Says:

    >جميل يا محمد ههههههانا مش شخص معروف تدوينياً و لا متابع جيدللوسط التدوينىبس الحقيقة اللى عارف اسلوبه قوىاحمد الصباغ بجد قلدته هايل هايل هايلو كمان وائل عباسو كوكب ابى كماناللى لسة متعرف على مدونتها من يومين ثلاثةهايلبس و حياتك حط حنا السكران معاهماصله اسلوبه جميل قوىههههه—-محمد انا اسمى احمد بدراوىمدون قديم و مكنتش منشط مدونتىو رجعتلها تانىديه مدونتىhttp://ta3melboyout.blogspot.com/مدونة طعم البيوتأظن سمعت الإسم ده قبل كدة؟انا قابلتك فى معرض الكتاب فى القاهرةيوم حفل توقيع كتاب دولة الفيس بوكحتى اما قولتلك عملت المدونة قبل شريط منير بفترة استغربت و قولتلى امتى دهديه من زمان بقىتحياتى على تدويناتكمع كل تقديرىو ياريت تبقى تشرفنى بالتعليق فى المدونة و نتواصل

  33. بسمـــة مســـــلّم Says:

    >ايه البوست ده هوا الطالب بس اللى سقط امال مصر كلها بتعمل ايه؟؟؟؟ بلا ثانوية بلا كلية بلا وجع دماغ يالله ربنا يوفق الجميع سلاااااااااامى

  34. dr.lecter Says:

    >انت طلعتني من موود كئيبب بخفه دم البوستكله كوم وووائل عباس كووم تانيمسخره بجد ونواره نفس الكلاام بوست هايل كالعاده

  35. مـحـمـد مـفـيـد Says:

    >يخرب عقلك يا حمديده انا لقيتك سايبلي اللينك وقريته وانا في المكتب وزمايلي مستغربينزمانهم بيقولوا مفيد اتجننالصباغ جاااااااااااامدهياريت تكررها مع مدونين تاني بجد حلوه اوي

  36. Blank-Socrate Says:

    >جامدة جدااااااافعلا متقمصهم بشكل طحنتحياتى

  37. إبـراهيم ... معـايــا Says:

    >لأ ، مليييش دعواااا ، أنا إسمي مش مكتوب لييييه ؟؟؟؟؟ فكرة حليوة يا دماااغك يا أخي ، وبعدين إنتا رحت فيييين ؟؟؟؟؟ ها ؟؟ رحت فين ؟؟؟

  38. Abdou Basha Says:

    >بوست جميل جداا:))

  39. مخبر قمل دولة Says:

    >انت بتلقح ع الطلبة وللا ايهالحمد لله لسه ما دخلتش مدعكة الثانويةبس بجد تقليد جاامد جااااامد جااااااااامدوالله انت راجل جامد فحت

  40. مواطن مصري Says:

    >و فين ملاحق بقيت الناس

  41. أحمد عبد الفتاح Says:

    >ههههههههجامدة جداكلهم أحلي من بعضبرافو بجد

  42. Ego Says:

    >بوست جامد جدا و ضحكت كتير لدرجة انى مش هعرف اروح الجامعة:Dيا ريت ملحق لباقى المدونينبجد حاجة تحفة تسلم ايدك;)

  43. إيناس حليم Says:

    >هههههههههههههههههههههههههههههههههههههههبجد تحفةأنا أول مرة أجي عندك بس ضحكتني اوي لدرجة ان المدير دخل عليا لقاني بضحك وشكلو قال في سره ايه الهبلة دي:))))أكتر حاجة عجبتني بتاعت غادة والصباغ و يوميات مطلقتحفةةةةةةةةبوست لذيذ موووووتبس متشتمش تاني:))

  44. tamer.sala7 Says:

    >لالالالالالالالالالالاالصباغ و وائل عباس وحنانبس وائل اكتر كمانبجد كأن وائل هو اللي بيتكلموحنان اللهجة بتاعة الشرقية واضحة خالصنفذ الملحق اللي نوارة طلبته

  45. farida Says:

    >هاهاهاهاهاحلوة الدماغ العاليه دي مووتفكره جميله و جديدهوبرعت في تقمص كل واحد فيهمبس ما قولتليش انت كنت حتقول ايه؟؟تحياتي لدماغك

  46. Ahmed Shokeir Says:

    >حقيقي روعةاول مرة اعرف إن التقليد يكون في طريقة الكتابة … وبصراحة انا شايف أن التدوينة دي مؤشر ان المدونين بالفعل أصبح لكل منهم شخصيته المستقلة في طريقة الكتابة وده مؤشر جيد أن طريقة الكتابة الخاصة بالمدون أصبحت تترك أثراً وبصمة خاصة به فكرة التدوينة جميلة .. وتنفيذها قمة في الإجادة لجميع الشخصيات

  47. nody_1987 Says:

    >ههههههههههههههههههههههههههههههههههه ابدعت فى وائل ونواره والصباغ فوق الوصف

  48. كيــــــــــــارا Says:

    >هههههههههههههههههههههههههههههههههههههههموتييييييني من الضحكجااااااااااااااااامده بجد

  49. Desert cat Says:

    >ليه كدا بس يا تامر تركز على اللغة يبقى انا شوفت المش التريد ماركت فى البلوج عندى محمد مكررها ومش رضيت اجيب سيرتها يقوم انت تقفشها ماااااشى ليك يوم يا تامرمش بعيد الاقيك فى الملحق ووقتها اردها لك

  50. طالب ثانوى Says:

    >انا منتظر الملحق اللى نوارة قالت علية

  51. سـهـيـر زكــي Says:

    >هههههههبصراحة أنا ما عنديش فكرة عن أغلب المدونات إلّي حضرتك ذكرتها باستثناء حبيبة الشعب نوارةدنا حتى عرفت طريق المدونة من بوست هناك عندهابس أكتر حاجة ضحكتني كانت بتاع البنت المشمشية ووائل عباسبجد إنت فظيع:)

  52. soaad fakoory Says:

    >تقمص ممتاز لوائل ونواره وحنانوالصباغ ارجو المداومه وحيطلع منك صحفى ساخر رائع وشكرااااااااا

  53. Wael Abbas Says:

    >هاهاهاماشي يا عمحلوة منك

  54. kareem Says:

    >الله يخرب بيتك الرقم ده رقم تليفونك والا ايهو هو انا لسه حستني كل الايام دي لغايه ما اشوف بنتي

  55. wanna b a bride-no more Says:

    >الصباااااااااااااااااااغههههههههههههههههههههههفظيعة هو بالظبط …وائل طبعا ماركة مسجلةو انت و نوارة في آخر الفيلم الهندي شكلكوا هتطلعوا توأم من أب و أم تانيينو ألف شكر على النبوءة الحلوةالطبعة الخامسة و الثلاثين …يسمع من بقك ربنا:)))))))))))))))))

  56. NIDAAL .R Says:

    >مش بقولك انت دماغ عالية نادرة يا ابنى هههههههههههههههههههههههههههبس احسن اتنين تقمصتهم بدماغ عالية اوى وائل عباس و قطة الصحراء بس والله كل التقمصات جامدة اخر حاااجة

  57. دنـيـا محيراني(ايناس لطفي Says:

    >هههههههههههانت بتجيب الافكار ديه منين انت دماغ يا محمد ههههههههمش قادره امسك نفسي من الضحك الصباغ وابي ونواره ووائلتحفه بجد تسلم دماغك

  58. دنـيـا محيراني(ايناس لطفي Says:

    >هههههههههههانت بتجيب الافكار ديه منين انت دماغ يا محمد ههههههههمش قادره امسك نفسي من الضحك الصباغ وابي ونواره ووائلتحفه بجد تسلم دماغك

  59. دعاء مواجهات Says:

    >ههههههههههههههههههههههههههههههههههههههههههههههههههههههههههدا انت مشكلة بجدبتاع الصباغ بجد ملووش حلالصباغ وقطة الصحراء ونوارة و ابىاكتر حاجت متميزةتحياتىل يكادعوك لزيارةhttp://mhlpyaaa.blogspot.com/

  60. bastokka طهقانة Says:

    >دي حاجة حلوة خالص:))

  61. محمد Says:

    >أسلوب رائع وجديد

  62. شمس النهار Says:

    >ماشاء الله عليكبجد ضحكتنيانا كنت فاكره ان التقليد بس لايف بس انك تقلد الكتابه بالشكل ده فعلا انت موهوب موهوبشكرا انك خلتني ادخل المدونه اللطيفه دي

  63. اصحى يا مصر : اسلام ديو Says:

    >موضوع سقوط الطالب ما هو الا رد فعل على سوء تنظيم التعليم فى مصرتانى حاجة وعلى هامش الموضوع هو الكتر من اكل الفول ، اه هو الفول مميزاته كويسة بس ……لما بيدى مفعول بيسطلاشكرك على البوست الهايلوالمدونة اكثر من رائعة تسلملك تحياتى إسلام ديو

  64. mohra Says:

    >hhhhhhhhhhhhhhhhhhhhhhhhreally funny

  65. e7na Says:

    >جميله جدا يا محمدفكره وتنفيذ بجد

  66. mahasen saber Says:

    >حلوه يا محمد قوى كله الا ابى وغاده تحفه تحفهاعتبره تحيز للمراه وعشان يحرم الطالب يسقط مره تانيه

  67. blackcairorose Says:

    >شكرا لأول ابتسامة على وحهي هذا الصباح!

  68. أحمد سعيد بسيوني Says:

    >بجدجاااااامدة مووووتوخاصة وائل والصحراويةجبتهم آخر حاجةتسللللللللم

  69. أخف دم Says:

    >روعة يامحمدبجد تسلم إيدك ودماغك

  70. حسام غانم Says:

    >هههههههههههجامد جداخصوصا غادة والصباغتحياتي ..

  71. بسنت Says:

    >هههههههههههههجميله اوىبذات بتاعه الصباغ وابىونواره فعلا بنفس اسلوبهمانا ضحكت بجدربنا يوفقك

  72. على باب الله Says:

    >حلوة منك

  73. dodda Says:

    >يا ابن الايه

  74. رامز عباس Says:

    >عزيزى / محمد حمدى أتذكر إعجابك بمقالي عن الصداقة في أحد المنتديات فيما سبق منذ 3 سنوات حاليا أكرمني الله بمدونه أدافع عن أقراني المعاقينأملت من تعليقي ترك الحملة التي أبثها وهي ولك جزيل الشكر لموافقتك علي نشرها بالتعليقاتنطلق اليوم في تمام التاسعة والنصف الأربعاء الموافق(25/2/2009)وتستمر حتي نهاية مارس القادمحملة (دعونا نعيش بكرامة)حملة (دعونا نعيش بكرامة) هي حملة عبر الأنترنت ووسائل الأعلامونناشد من خلالها الصحف المصريةبتبني مأساتنا نحن معاقي مصر الذين يعانون الويلات جراء عدم تطبيق قانون 39 لسنه 1975والذى بتطبيقه نستطيع الحصول علي فرصة عملوأن نعيش بكرامة مساوية لكرامة المجتمعلذلك نرفع نص الرسالة المرسلة إلي كلاً منالسيد المستشار/وزير العدل- مصرالسيدة الفاضلة / وزيرة القوى العاملة والهجرة – مصرالسيد المستشار/عبد المجيد محمود النائب العام – مصرتحية طيبة وبعدمقدمه لسيادتكم الموقعون أدناه يلتمسون من سيادتكم العدل ..وذلك من خلال تنفيذ القانون 39 لسنة 1975وتعديلاته (الخاص بتأهيل وتشغيل المعاقين).. حيث أن أصحاب الأعمال ومسئولي الشركات يتعنتون في تطبيق نصوص ذلك القانون في تعاملهم معنا مما يجعلنا من المتعطلين إضافة لاننا من فئات المعاقين هذا بخلافتأثيره علي نفسيتنا ومعنوياتنا لاحساسنا ان المجتمع يرفضنا..وبعض الأحيان يقابلنا بالشفقة التي قد تجرح مشاعرنا..لذا نرجوكم التدخل والعمل علي إصدار أوامركم بتطبيق القانون…وتفضلوا سيادتكم عظيم الشكر والاحتراممقدمه لسيادتكم عن المعاقينأ/ رامز محمود عباسمعاق سمعياًأ/ محمد سعد الدين نصيرنقص نمو وتشوه بالجمجمةأ/ محمد مختارغريبشلل أطفال بالساق اليمنيملحوظة هذا الموضوع خاضع للتحديث طوال مدة الحملةوفي إنتظار مزيد من المطالب التي يأمل المعاقين الحصول عليهاتبعاً والتي أرجواً أن تكون ذات إتصال بهدف واحد حاليا وهو حقنا بالعملوأيضا لكم في تعليقاتكم أن تطالبواً بإضافة توقيعاتكم لنرسلها للمسئولين

  75. mohamed ghalia Says:

    >أستاذىسعيد إنى اتعرفت على حضرتك فى لقاء المدونين فى أنا انثىمحمد غالية

  76. قوس قزح Says:

    >بوست جامد بجد عجبنى الصباغ و آبى بس نسيت تخلى خيخة توسطن ايد الحنفة قبل ما تتكلم هههههههههههه وعلى فكرة كريم بيقول على طلقته فرجينيا مش الست هانم🙂 بوست فكرته حلوة اوى

  77. مصطفى فتحي Says:

    >وانا فينمليش دعوةزعلاااااااااااااان:)

  78. Soooo Says:

    >جامد قوي قوي الحوار دهبجد بجد بجدتسلم دماغكسلامووووووووووووووز

  79. tohamy Says:

    >بوست جامد جدا

  80. ahmEd_H Says:

    >اصابتنى بحاله من الضحك الهستيرى

  81. طعمية سخنة Says:

    >هههههههههههههههههجامدفين اصحاب المدونات دي يقطعوكبس معجبنيش الشتيمة في الاخوان و المحجبات الشتيمة عييييييييب

  82. همس Says:

    >ازيك يا محمدايه التقليد دا كلوبجد ميه ميهتحياتى

  83. eAi Says:

    >قووووية والله , أهم شيء بالموضوع وائل ونوارة أهههههخخ قووووووووية , ويا جماعة فكونا من التعليقات البايخة اوسخ حاجة بالدنيا لما تدخل مدونة وتلاقي تعليقات هبلة أووف

  84. سوبيا Says:

    >اولا انا جديدة هنا وثانيا انا معرفش كل الناس اللي في البوست بس اللي اعرفهم طالعين زي الكتاب ما بيقول جميلة اوي تسلم ايدكتقبل مروريهما بيقولوها كده فالتعليقاتسلاااااااااااااااااااااام

  85. Zika Says:

    >تسلم افكارك بجد تحفهبالذات بتاعة الصباغ وآبي و البت المشمشيه ..مشكله بجد

  86. بنوتة مصرية Says:

    >لزيزة مووووووووووووت بجد وطريقة العرض حلوة اوىتقبل مرورى

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: