>قصاصات

>

(براء) كان يعانى من مرض فى الغدد يجعله يفتح فمه ويلهث بينما يتساقط اللعاب من طرف لسانه … لم تكن هذه مشكلة براء .. مشكلته كانت انه طفل .. ومجتمع الاطفال لا يرحم اصحاب العاهات … الرجال لا يعيرون بعضهم بالعاهات مهمها وصلت درجة الخلاف , اما الاطفال فلايعترفون بهذه الرحمه .. خصوصا الأطفال فى تلك المرحلة  الفاصلة بين مرحلة الرضاعة وبدايات المراهقه … هذه المرحلة السنية للأطفال الذين لا يكفون عن المجادلة وينشبون أسنانهم الأمامية حديثة النمو فى يدك عند أول محاولة منك لملاطفتهم ولا يكفون عن مسح انوفهم السائلة بأيديهم القذره حقا … الأطفال شياطين ! .
* * *
هل يوجد كائن حى اكثر غرورا من الإنسان ؟ شخصيا لا اعتقد . فقط القى نظرة على اسوار المدارس والحوائط فى الطرقات العامه لتجد ان هناك دائما شاب مراهق رائق البال يجد متعه مابعدها متعه فى كتابه اسمه على الحائط كإنه اسم  (موسولينى) شخصيا !! . إذا كنت  مكانه كنت سأكتب حكمه او بيت شعر أو سطرا من روايه .. اى شىء اكثر اهمية من مجرد كتابه اسم حركى على  غرار(شيكو الرومانسى) أو (أنور الأشقر)  ناهيك عن ولع البعض بكتابه اسماؤهم مقرونة بأسماء الفتيات الائى يحببن كأن يكتب احدهم ( شحاته – نوال ) ولا بأس من أن يتبعها بجملة تشرح مدى إرتباط هذه الأسماء كأن يكتب بعد الإسمين (حب العمر كله) أو (حب الى الأبد)  اما الرائقون حقا فيكتبون اسماءهم وقد احاطها قلب كبير… بذل الفتى جهدا كبيرا فى رسمه باستخدام طرف مطواة القرن غزال ..وكانما العلاقه بينهما اهم من العلاقه بين هتلر وايفا براون ! ..
* * *
كل فنانى الكاريكاتير فى مصر متشابهين … ساخرين مبدعين مغرورين .. يسيطر عليهم هاجس حقوق الملكية الفكرية للدرجة التى تدفعهم للتوقيع على كاريكاتيرهم بحجم أكبر من حجم الكاريكاتير نفسه ! شخصيا أحترم الفنان الذى يصل بعظمة فنه للدرجة التى تجعل سرقة اعماله مستحيلا لأن الجميع يعرف أنها له من مجرد مطالعتها … هل اهتم (جاهين) يوما بكتابة اسمة بعد كل رباعية يكتبها ؟ انت تعرف رباعيات جاهين بمجرد قراءتها حتى لو نسبها شعراء الدنيا كلهم لأنفسهم !
* * *
وصلنى تعليقها على احد موضوعاتى تتهمنى بإتهام السلفية بما ليس فيها , وتدعونى ان اكف عن السير فى طريق الجهل والظلام والضلال … دخلت الى مدونتها لأشكرها على زيارتها وان الاختلاف فى الرأى لا يفسد للود قضيه .. فوجدتها تضع تحذيرا فى بداية مدونتها تعتذر عن نشر اى تعليقات لـ(الرجال) فى مدونتها ! فما كان منى الا منع نشر تعليقها … فمن لا تسمح بنشر تعليقات فئة معينه لا تستحق أن ينشر أحد تعليقاتها .

* * *
يغيظنى ذلك الإسلوب الذى تتبعه هذه الجريدة التى لا يقرأها إلا محرريها وأصدقاؤهم .. نشروا يوما مقالا بعنوان (تعرف على حقيقة اوباما ايها الناخب الأمريكى) .. اللعنة .. كيف يخاطبون الناخب الأمريكى من خلال جريدة لا تجدها الا لدى بائع او اثنين فى القاهره كلها ؟! الأبشع أن المقال الموجه للناخب الأمريكى كــُتب باللغة العربية ! ناهيك عن تفاخر رئيس التحرير فى كل افتتاحية بقدرة الجريدة على تحقيق ضربة قاصمة لأعدائها والراغبين فى إفشال تجربتة الديموقراطية فى إدارة الجريدة .. لا يعلم أن جريدته مازال أمامها طريق طويل قبل أن تصل إلى شرف أن يكون لها أعداء !
* * *
كانت تحدثنى عبر الماسنجر بمنتهى الغيظ  من اصحاب المحلات الذين يخطئون فى كتابة أسماء محلاتهم باللغة الإنجليزية … أخذت تورد لى المثل تلو الأخر , وتحدثنى عن مدى إضرار هذا بنظرة الأجانب لمصر … وعندما إنتهت من حديثها كتبت لى :
أنت لا توافق على (هزا) أليس (كزلك) ؟

24 Responses to “>قصاصات”

  1. رئيس جمهوريه نفسى Says:

    >انا حعلق على موقفين اول حاجه موقف من لا يقبل النقد او يمنع قبول فئه معينه من المجتمع وكلامهم وكانه رجز من عمل الشيطان وده للاسف لانى المجتمع المصري معندهوش ملكة تقبل الاخر فاى اختلاف فيى الراى يفسد القضيه من الجذور موضوع الحنق من خطاء كتابه اسماء المحلات الانجليزيه لو هى معتمه بالعربية اصلا مكنتش حتاخد بالها من الاخطاء الانجليزيه وكانت حتنظر للاخطاء بالعربية ولكن للاسف البعض بيهتم باللغات الاجنبية اكثر من الاهتمام بالغة العربيةبداعى المدنيه الحديثه

  2. عاقلة علي ارض الجنون Says:

    >هههههههههههههأنا اتخضيت أولا لأن انا اللي دخلت اعترضت علي السلفية بدون معلم :)و كان علي المسنجر بس أول ما قولت تعليق قولت يمكن أنا علقت و بعدين قولت مانعه تعليقات الرجال !! قولت أكيد مش أنا أو يمكن بهزر !! و بعدين قولت موضوع المحلات .. قولت مش عارفه يمكن اتكلمنا ف موضوع زي ده .. و بعد كده قطعت الشك باليقين لما قولت (هزا) و (كزلك) هههههههه أكيد مش أنا :)—-ههههه أنا عارفه إن مش انا من الاول طبعا إنت متقدرش !!و بعدين لو علي هاجس الملكيه الفكريه .. أنا هقولك علي حاجه فيه بنت ف دفعة أولي الجديده عندي ف الكليه بتقول إنها بتكتب و كلام كتير كده المهم قولتلها خلاص أقابلك ف الكليه .. قابلتها قالتلي انها ليها ف الصحافه قولت طب كويس بتكتبي فين ؟؟مبكتبش ف حتهطيب بتكتبي ف إيه .. عندي أفكار هي أفكار يعني كتير أويطب بتقري لمين ؟؟ تين ستاف و كلمتنا بس ؟؟أيوة!!!!!!!!!!مع الاحترام للاتنين طبعا بس مين أستاذ المثقف اللي عايش علي مجلتين ده ؟طيب إيه إهتماماتك ؟كله زي ؟تين ستاف بتعمل سيكشن لكل اهتمام و انا بقراهم كلهم -يا صلاة النبي- ده ف سري طبعاطب و انتي ليه متنشريش حاجتك علي بلوج و تعرفي رأي الناس فيهاأصل أنا بخاف من السرقه و حقوق الملكيه الفكريه و الحاجات ديعلامة تعجب كبيره علي وشيو قولتلهامعلش انا مضطره أسيبك نكمل كلام وقت تاني عشان عندي إصحابي عاوزني ضروري و انا كنت ناسيه!!و لا تعليق

  3. farida Says:

    >أنا أول تعليق!! طب كويسحلوة القصاصات دي بس كمان الانسان اللي بيكتب على السور مش بس مغرور لا و كمان قذر و انا مش عارفه ان كان فيه شعب في العالم يضاهي الشعب المصري في هواية الكتابه على الحوائط و كراسي القطار و الأتوبيس و جدران دورات المياه!!!!!!!!المدونه التي ترفض تعليقات الرجال نكتهتدعو للبكاء أكثر منها للضحكأي أولاد ستنجب تلك المرأه لنصرة عالمنا الاسلامي و تحضره و تقدمه ؟؟بالنسبه للغههزا عادي يا عذيذيتحياتي

  4. أحــوال الهـوي Says:

    >اعجبني من اسلوبك القدرة الفنية و اسلوب السيناريست المتمكن ثم التجول في جنبات الفكرة و التنقل من مكان لاخر دون خلل في الرؤيه هل جربت كتابة سيناريو لقصة ما ؟؟؟ اظن انك موهوب في هذه الناحيه اليس كزلك او لك رأي اخر في هزه المقولهتحياتي

  5. ~*§¦§ Appy §¦§*~ Says:

    >عن جزء الاطفال الاطفال مبيستوعبوش ده بس على فكره لما الاب او الام يقولوا غلط خلاص الطفل بيفهم موضوع الكتابه طيب ده هين يعنى مرة كنت راجعه من المطار بالليل بجيب خالتى ورايحين التجمع لقيت واحد بيكتب فى النفق اللى داخل عندنا شتيمه لبنت الساعه 4 الفجر ويا حرام الصبح الناس بتوع النظافه او اى حد من الناس تقف تمسحه لانه على سيراميك تخيل هيافه الناسموضوع اللى مانعه التعليقات مش عافه بصراحه مشوفتهاش بس هى حرة بس طالما بتمنع التعليق من رجاله متعلقش برضه عندهم صحبتك اللى بتقولك معلش معندهاش مرايا ما احنا مفتقدين المرايا فى حياتنا يا محمد علشان نشوف اخطائنا الاول

  6. koukawy Says:

    >سعيده جدا بأسلوبك عرض الفكره**********بالنسبه لكتبة الأسامي بالمطواهانا لسمه امبارح كنت في ميكروباص و احد هؤلاء الشباب المرضي كاتب علي ظهر الكرسي بعنف ووحشيهمن كتر ما القلم خطه مفحوت في الكرسي تحس بالغل هؤلاء مرضي ************************بالنسبه انها مش بتتلقي تعليقات من الرجال حريه شخصيه …. و انت كمان مارست حريتك الشخصيه بنفس الأسلوبعامل الناس بما تحب ان تعامل هو ده الحل الوسط********************كتيييييييييرمن نوعية كزللك ديهلسه واحده اعرفها بتتريق علي واحده تانيه نعرفها ارسلت لنا دعوة فرحها فلقيت الأولي تنتقد التانيه ان دعوة فرحها مكتوبه بالعربيو لا لما نكون احنا عايشين في نيو جيرسي

  7. mostafa rayan Says:

    >حبيبي ماقدرش اقولك غير اني استمتعت بالبوست جدا

  8. كراكيب نـهـى مـحمود Says:

    >تعجبني مدونتك وموضوعك عن احمد زكي ذلك الجميلواللقطات الساخرة التي كتبتها هناسخرية لاذعة محزنة ولقطات جميلهشكرا للتواصل مودتي

  9. البت المشمشية حلوة بس شقية Says:

    >بجد يعنى مش عارفه اعلق على الموضوع ومش عارفه اكلم اول لما ابتديت اقرا جالى حالة ذهول من الكلام ده وعلى فكرة انا استفدت فيه حاجات مكنتش اعرف عنها حاجة زى الحمارة

  10. Founoon Says:

    >بوست ممتع جدا مش عارفه اعلق على ايه ولا ايهالجزء الاول والطفل المختلف عن اقرانه قد يغفر للطفل لانه طفل تخيل ان في ناس كبار بيسخروا من اصحاب العاهات مش عارفه الناس دي ضامنة الزمن بأمارة ايه ؟!الجزء التاني بخصوص الكتابة على الحوائطكل واحد فاكر نفسه مهم ومحتاج يخلد ذكراه في مكان ما تختلف الطريقة والاسلوب المتبعولكن الهدف واحد اغلب الفنانيين في كل المجالات مغرورين مش بس فنانين الكاريكاتور اما عن الانسانة العنصرية لا تعليق انت جبت من الاخر وعن الجريدة التي تحدث نفسها كتير اوي في مصر ناس بتتكلم عشان تسمع صوت نفسها وتتنفخ في نفسها اكتر واكتر واكتر اخيرا وليس اخرا مآساة مآساة بكل المقاييس مشكلة اللغة العربية في مصر بقت شيئ لا يمكن السكوت عليه والعيب اننا بنعيب على اللي بيتكلم وبيكتب انجليزي غلط !

  11. dr.lecter Says:

    >بالنسبه لمرحله الطفولهفيه ناس كتيره بتطلع معقده في المرحله دي نتيجه لمواقف اتعرضوا لها كسرت نفسيتهم واصابتهم باحباط هيلازمهم طول حياتهموهيعملهم مشاكل علي طول علشان كده للاسف الاباء والامهات مابيلاحظوش ده في اطفالهم ابدا ومابيحاولوش يتقربوا منهم ويتحاوروا معهاهمديستوفيكسي قال مره ان اخطر كائن موجود علي سطح الارض هوالانسان

  12. انا حرة Says:

    >مش مجتمع الاطفال بس اللى ما بيرحمش..معظم الناس ما بقاش عندها ثقافة تقبل الاخر ايا كان..مختلف دينيا او فكريا او حتى مختلف لانه مريض..كام اب منع ابنه من اللعب مع زميل له لانه مريض بمرض نادر و كام ام خافت على بنتها من زميلة مريضة نفسيا..و ده شوفته بعينىبيستفزونى اوى الناس اللى عندها فراغ فى حياتها للدرجة دى..المشكلة ان التشويه ده ما بقاش مقتصر بس على طبقة مطحونة بتطلع غلها فى تشوبه ممتلكات عامة..ده بقى نظام و معمول بيه فى كل مكان..فى الجامعات و فى المدارس و حتى فى السنترز المحترمة بتاعت اللغات..غالبا بيعتبروه نوع من التعبير عن نفسهماو يمكن شايفينها طريقة للشهرة بما ان الوطن العربى كله بقى عايز يقدم فى ستار اكاديمىطيب و هى المدونة دى هتعرف تمنع الرجالة من قراية مدونتها ازاى؟حرية شخصية طبعا بس تمتاز بالتخلف الحقيقة:Dاصل الفضيلة مش ان الواحد يقطع عن نفسه مية و نور فيقوم ما يغلطش..الفضيلة فى انه لو اتفرض عليه يعيش فى كباريه يعرف يتمسك بمبادئه لانه مقتنع انها صحدى وجهة نظرى الشخصية جداشكلها روزا اليوسف..اصله الجرنال الوحيد اللى بيخسر و مصر اصرار غريب انه يكمل برضهفكرتنى بالخبر اللى اتنشر من فترة عن طلبة الاعدادية اللى فشلوا فى كتابة اساميهم..انها حكا ماساة :))على فكرة انا متابعة مدونتك على طول بس مش دايما بلحق ارد على كل البوستات

  13. GiGi Says:

    >بالراحه شويه انت لاذع قوي فى نقدكبس بجد ربنا يكرمك ويهديك للخير ويوفقك يارب

  14. فاتيما Says:

    >أزيك يا محمد دنت طلعت دماغ جامدة يا بنى منظر المدونة ما شاء الله يخض أنا سعيدة بنك وجهتلى الدعوة بص يا سيدى حكاية الأطفال دى مش كلهم يوسف إبنى مثلاً من و هوه لسه 3او 4 سنين كنت بحاول أعلمه يبقى عنده رحمة و شفقة على الشخص المختلف عنه إتعلم يقول أحتياجات خاصة و مش كلمة معوق يعنى الطفل حسب ما تعوده زى ما قالت آبى بالنسبة لرسامى الكاريكاتير فدى عندك حق أصل الفنان عموماً عنده زهو بذاته متهيألى أى حد عنده موهبة لازم الأنا تبقى عالية حبتين بالنسباله الكتابة على الحيطان دى حكات كبت مزمنة …زمان كنت بكتبها على بنش الكلية … عادى …نوع من الأحتياج لحد يسمع …و كمان عدم مبالاة بالشكل الحضارى لشوارعنا …يعنى مفيش أحساس بالملكية العامة خالص … بس واحد مبيلاقيش حد يقدره لا يسمعه و ضايع …تفتكر يحس بالآخرين أزاى ؟؟الاخطاء اللغوية دى عادية نظام التعليم بقى و الخلط احيانا ما بين الامية و الفصحى و اللغات الآخرى أنت ما شاء الله دماغك فى اكتر من مجال و روشتنى بس سعيدة أنى هنا تحياتى ليك يا عزيزى و سلامتك لازم كنت بتلعب كورة !!

  15. kochia Says:

    >اكثر ما يعجبني في المدونات انني غالبا لا اتوقع ما سوف اقراه فيهاوبالتاكيد هذه المدونة .. او هذا البوست لم اكن متوقعة لكل فقرة فيه اعتمادا علي التي قبلهاالمهم——————————- مجتمع الاطفال لا يرحم العاهات لانه لا يفهمها .. كذلك الجرح الناتج عنها للطفل المختلف نفسه اقل من الكبير وربما يكون تساؤل .. لماذا انا مختلف ؟؟واتفق معك ان الاطفال شياطين .. ولكن صغيرة——————————–اما المراهقون والكتابة علي الحوائط ؟؟ دي مرحلة معقدة تجمع بين حب الذات وتعظيمها وبين سوء السلوك والتربية والعلاج صعب ——————————–كما انه (من حق الحلو يدلع ) فهو من حق صاحب ابداع ان يعتز ويفتخر بنفسه وربما يتناسب حجم التوقيع عكسيا مع مقدرا الموهبة والتميز.. لانني شخصيا لم ار من يوقع توقيع اكبر من حجم الكاريكاتير .. يعني الحمد لله من رايت اعمالهم اكثر موهبة ممن رأيتهم انت ——————————–اما عنها وعن تعليقها ..تصرف غريب منها في مدونة .. لكن بما ان الحرية مكفولة للجميع .. فما فعلت انت هو الافضل ——————————–اعجبني تعبير ” لم تصل الي شرف ان يكون لها اعداء”——————————– واخيراانا بالتاكيد لا اوافق علي (هزا ابدااااااااا).——————————–تحياتي

  16. Desert cat Says:

    >يا عززيى المصرى اول مدون فى التاريخ دون على الحيط ودون فى الحمامات طيب ادخل حمام اى مدرسة حتى لو خاصة وشوف الابواب بتاعتها او الحيطان عليها ايه ؟؟ ودون كمان على صفافيح الزبالة اللى فى الشوارع حتى دى مش رحموها .. بالنسبة للمدونة اللى رافعه شعار للسيدات فقط فياريت ترفعه على طول وتقفل مدونتها خالص ومتخرجش من بيتها ومن تمسك تليفون ولا تفتح تلفزيون على اساس انهم مذكر والافضل لها تروح تعيش فى تابوت رسامين الكاركتير مش كلهم بحب اشوف رسوماتهم فى كاركتير ممكن يلفت انتباهى لو واخد جزء لا يذكر من صفحة وفى كاركتير لو واخد صفحة كاملة مش ابص عليه

  17. موجة فى بحر الحياة Says:

    >اولا مدونة حلوة و شكلى هدخلها كتير ثانيا بقىمعاك حق الاطفال لا يرحمون انها كل ما تحمل البراءة من قسوة فطريةـــــــــــطبيعة سن المراهقة انك تحس بنفسك و تشوف نفسك اكبر و اعلى شىء . اعتقد لو رجعت بذاكرتك للمرحلة دى هتلاقي اسمك على دسكات و حيطان كتييييييييييرـــــــــــــليا اصحاب كتير سلف و ليا كتير اخوان و ليا برده اللى دايما ينكر انه اخوان بس انا بصراحة مسلمة و فقط و يكفينى ذلك بكل شرف ــــــــــــــــــــــعلى ذكر اسماء المحلات فتح فى احدى المناطق التى تعتبر راقية فى مدينتى ( الزقازيق ) فرع لمحلات التوحيد و النور ، واخد بالك ، توحيد و نور ، افزعنى و على حد علمى القاصر ان كل فروعه مكتوب بالعربى و ده منطقى بالنسبة لطبيعة الاسم ع الاقل بصرف النظر عن لغة اهل البلاد ، الا انى وجدته مكتوب بالانجليزى و باللون الاحمر المتوهج و كأنه فخر و اعتزاز و محاولة مستميتة لاثبات التمدن و الرقى و التحضر نادر الوجود

  18. حائر في دنيا الله Says:

    >أتفق معاك تماما في موضوع الأطفال فنحن وفي مرحلة الطفولة كنا أشد من الزمن مع زملائنا أصحاب اللثغات او العادات الغريبة =من حق اي فنان كاريكتير ان يضع اسمه كيفما يشاء طالما ان ذلك سيحمي فكرته بشرط ان لا يجور على الابداع والفكرةتتفق معي أليز كزلك؟لك تحياتيالسلام عليكم

  19. همس Says:

    >هههههههههههههههحلوة كتابه الاسامى فى قلوب بس عاتبه عليكى ايه جاب تسم شحاته لاسم نوالمفيش روةمانسيه خالصتانى حاجه لو انا منك من موقف اللى لغت تعليقك انك تكبر فى ناس كدا بتتغاظ من رد الناس وما تبقاش تعرف ترد عليها صحانما الجريدة العبقريه اللى عندها حول بعيد عنك اللى على رايك بتخاطب الشعب تانى فى بلد مختلف ولغه مختلف دى تبوسها وش ودهر وتركنها جنب الحيطة دول عالم حولا …. ويتجعلصو اوى ويقل ثقافه جتهم واكسهانما المحروسه اللى مفروسه من كتابه الانجليزى الغلط وتجى تكتب عربى غلط دى بجد الله يكون فى عونك وصبرت عليها ومتفقعتش منها …اهى دى التبلور الحقيقى الاحول للفزله التافههال الاجانب اتعمت على المصايب اللى بتحصل ومشوهه صورة وسمعة مصر فاضل اسامى المحلات فاقعت ايه دى ….على العموم نورتنى فى مدونتىواسفه على التاخير فى التعليق بس انا متابعه مدونتك من فتره وحتى انا ضيفاها من ضمن المدونات المفضلهوكل سنه وانت طيب

  20. وينكى Says:

    >مش عارفه اضبط انفعالاتىاضحك ولا اعبس ولا استغرب ولا استهبل اللى عاملين بعض المواقف دىبجد.. الدنيا دى غريبهبس عارف الاطفال بيقولوا اللى هما شايفينه فى وش الواحدلكن الكبار بيقولوا عيوبك ويتفننوا فى اظهارها من وراكيبقى مين اللى ما بيرحمش؟

  21. سبهللة Says:

    >اول مرة ادخل عندكوبجد وبدون مجاملة عجبنى دماغك واسلوب عرضك للافكار حتى لو كانت متعددة فى بوست واحدتحياتى لك وبالتوفيق ان شاء الله

  22. S H A H Says:

    >عجبني جداااااااااااااااااا لفتة نظرك لان فناني الكاريكاتير بيمضو بحج امضاء اكبر من رسمهم و فعلا العمل المميز بيتكلماؤويد بشدةمدونتك ومواضيعك اكتر من رائعة و عجبني جداااااا التصميم الهادي و مش تقيل ف تحميلهتقبل مروري الاول و ليس الاخير

  23. موناليزا Says:

    >احييك على هذا المجهود المبذول فى المدونةونشكرك لطرح وجهات نظرك الخاصة بهذه القصاصات

  24. طالب ثانوى Says:

    >بوست جميل جدا يامحمد وبالذات جزء الكتابة على الحائط كل الحوائط مليانة اسماء تافهة زى فيفتى سينت كبو وقعلة الكينج وبيشو واسماى غريبة كدة———-وحكاية المدونة التى لاتقبل تعليقات الرجال فسيبك منها وانت حر تنزل تعليق اللى تحبة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: