>لماذا يضطهدون المنقبات؟

>

قرأت اليوم خبرا على موقع عشرينات مفاده أن الدكتور يحيى الجمل أمر إحدى الطالبات المنقبات بعدم الجلوس فى البنش الأول أثناء محاضرته . وأن هذا الموقف أثر غضب باقى الطالبات المنقبات الائى إنسحبن غاضبات من المحاضرة .

السؤال الذى أثارة المعلقين على الموقع , والسؤال الذى سيكون محور الحديث فى الفترة القادمة هو : لماذا لا يعترض أى شخص على وجود فتاة ترتدى ملابس ضيقة أو مكشوفه بينما يعترض على وجود فتاة منقبه ؟

هذا السؤال يكون دائما مدخل المتشددين دينيا للحديث عن الحرية المنقوصة , وكيف يتعرض المنقبات والملتحين للتهميش والظلم وإجهاض حريتهم بينما تـُعـطى الحرية بالكامل لمن يصفوهم بـ (المتبرجات) للمارسة نفس الحريه فى الملبس والمظهر .. ولربما خرج علينا من يتهم الدكتور الجمل بالمراهقة أو الظلم والتفرقة ولربما ذكرنا البعض بحديث الرسول الذى شبه فيه القابض على دينه بالقابض على الجمر …

يبدو سؤال لماذا الاعتراض على حرية الملبس للمنقبة بينما عدم الاعتراض على حرية غير المنقبة سؤالا منطقيا , أثار فضولى أنا شخصيا فإختليت بنفسى أفكر فى السبب وراء هذه التفرقة .. فوجدت أن الإجابة أبسط من البساطة .. يصل اليها كل من يفكر فيها بعقل ..

الإجابة بإختصار تتلخص فى أن من ينتقص حرية الأخرين , يجب على الأخرين إنتقاص حريته هو الأخر .. هذه الفتاة المنقبة ومن على شاكلتها هى نفسها الفتاة التى تعامل زميلاتها الائى لا يرتدين النقاب (حتى وإن كن من مرتديات الحجاب) بتعالى بإعتبار أنها أكثر تدينا منهم … هى نفسها الفتاة التى (تزن) على أذن جارتها الغير محجبة لتقنعها بضرورة ارتداء النقاب , وإذا أبدت جارتها إستيائها من كثرة النصائح زجرتها صاحبتنا وذكرتها بأنها يجب عليها أن تقدم لها النصيحة فى كل وقت وحين سواء كانت ترفض هذه النصيحة أو تقبلها …

هذه الفتاة المنقبة وأمثالها هى نفسها الفتاة التى ترفض التعامل مع زميلتها المسيحية وتدعوها بأنها نصرانية كافرة ستصلى سعيرا .. بل أنها قد تدعوها للإسلام بدعوى أنها أختها فى الإنسانية وتريد أن تنقذها قبل أن تسقط فى براثن الوثنية .

هذه الفتاة التى يرتفع صوتها بالقرأن فى عربة السيدات فى مترو الأنفاق لتقلق راحة رواد المواصلات العامة , أو تلهث بالدعاء بصوت عالى على (النصارى واليهود ومن إتبعهم) متمنية أن يقطع الله نسلهم ويهلك حرثهم ويرمل نساؤهم متناسية أن بجوارها فتاة ترتدى صليبا كيبرا من الذهب وتسمع بأذنها كم الأدعية التى تنهال على رأسها ورأس من يدينون بدينها

هذه هى الفتاة نفسها التى تجرح بمجمل تصرفاتها مشاعر العديد والعديد من زميلاتها وزملائها , وتتعامل مع الجميع بتعالى من وصلت إلى قمة التدين وحجزت فى الصفوف الأولى للفردوس الأعلى , ولا تهتم بكم المشاعر السلبية التى تصيب زميلتها الغير مسلمة أو جارتها الغير محجبة التى تتحاشى أن تقابلها فى أى مكان عام أو خاص خشية التعرض لمحاضرة أخرى عن التبرج والتعرى مع كم من نصائح إرتداء النقاب .
بإختصار : الفتيات المنقبات يعتدين يوميا على الحرية الشخصية لفئات عديدة فى المجتمع , ويشهرن جميها سلاح الدين فى وجه من يعترضهن , فإذا عاملهم أحد بمثل ما عاملوا الناس به اشبعونا صراخا عن الحرية الشخصية وإتهموا الجميع بالكيل بمكيالين .

بإختصار أكثر : الحرية الشخصية حق يسرى على من يعطى نفس الحق للأخرين , أما من يفرض وصايته على الأخرين فمن حقهم أيضا أن يمنعوه من ممارسة حريته الشخصية .

ملحوظة أخيرة : منعا لشخصنة هذا الموضوع فأنا لا أقصد هنا إتهام الفتاة التى حدثها الدكتور الجمل شخصيا , فقط أتهم فئة الفتيات المتشددات دينيا والائى تمثل المنقبات بشكل عام النسبة الأكبر منهن , أعلم جيدا أن هناك فتيات منقبات لا يعتدين على الحرية الشخصية للأخرين .. إليهن تحياتى رغم أنهن فئة شبه منقرضة فى مجتمع يتجة بسرعة نحو هاوية التشدد الدينى المطلق .

13 Responses to “>لماذا يضطهدون المنقبات؟”

  1. عاقلة علي ارض الجنون Says:

    >مممممم … محمد .. انا مش مقتعه مطلقا باللي بتقوله ..وإن كان فيه فئه فعلا من المنقبات زي ما بتقول .. “(تزن) على أذن جارتها الغير محجبة “و”ترفض التعامل مع زميلتها المسيحية وتدعوها بأنها نصرانية كافرة ستصلى سعيرا “و “يرتفع صوتها بالقرأن فى عربة السيدات فى مترو الأنفاق لتقلق راحة رواد المواصلات العامة “و غيره و غيره لكن .. مش كلهم كده إطلاقا و انا اتعاملت كتير مع منتقبات و عارفه ان منهم اللي بيتعاملوا مع الولاد كمان ف حدود و بيتعاملوا مع المسيحيات و منهم اللي قلوبهم بيضاء بمعني الكلمه و ممكن تلاقي كمان منهم اللي زي ما بتقول أو أكتر .. في الآخر هما زيهم زينا عادي يعني حتي مش بحب أقسم البشر لأصناف .. و كمان هنقسمهم كده و بعدين ما انت بتشوف محجبه و محترمه و محجبه لكن غير محترمه .. نفس الشيء ..الأخلاق ليس لها رداء و الدين ليس له عباءة تميزه .. و انا عند رأيي كل واحد يتقرب لربنا باللي يريحه ممكن انت شايف انك تتقرب بالدعاء واحد بيتقرب بالصلاه وواحد بيتقرب بالصدقه .. حتي لو كلكم بتعملوا كل ده بس برضه أكيد فيه عباده حاسس انها بتقربك أكتر من الباقي هما كمان حاسين ان في ارتداء النقاب اقتراب من الله فدي حريه و انا شايفه أصلا ان مناقشة موضوع زي النقاب أو الحجاب أو العري حتي .. مواضيع قتلت نقاشا و بحثاو كلنا بقينا عارفين أغلب جوانبها ..و أحييك علي الملحوظه بس علي فكره هما مش قله .. هما نسبتهم زي نسبة المتدينين بين المتشددينو أخيرا تحياتي ياسمين

  2. آلام وآمال Says:

    >ملحوظتك الأخيرة أنقذت وجهة نظرك اللي طرحتها ف الموضوع من الاتهام بالقصور والتعميم الأعمى—ملحوظة صغيرة بردو بعد إذنكهم “منتقبات” وليسوا “منقبات”ـالفرق شاسع بين المعنيين:)

  3. خمسة فضفضة Says:

    >السلام عليكم ورحمة الله وبركاته احييك علي انك تداركت الموقف في نهاية البوست وقلت الكلام اللي كنت ناويه اعلق بيه مش كل المنتقبات كده ومش كلهم ماشيين بالخرزانه ولا بيعلقوا المشانق للي ما بيعجبهمش سلوكه واعتقد ان دي قلة قليله جدا منهن ومش معني ان دي صورتهم اللي صورها اعلام ظالم ورسخها في عقول الناس يبقي خلاص كلهن كده بس ارجع واقولك مش شايفه ان كل التبريرات اللي انت سقتها دي من انهن لا يحترمن حرية الآخرين ، و دعوتهن لغير المحجبات بالالتزام ……الخ … مقنعه مش عارفه يعني ايه علاقتها بان فيه طالبه قاعده في اول بنش ولابسه نقاب ، ايه هايضر الدكتور يحي في كده هي طالبه وهو دكتور بيلقي محاضره يعني ماراحتش توعظه وتدعوه للالتزام ولا دعت عليه ولا زنت علي ودانه بحاجه ولا كل ما تشوفه بتديله كلمتين في جنابه يبقي ليه كدهوارجع اسالك انت ليه ماتكلمتش عن الواقعه زي ماحصلت وزي ما ولاد البلد كتباها ، يعني ايه انه يقولها (رغم احترامى لحريات الفتيات الشخصية، لكنه ليس شرطاً أن تجلس المنتقبات فى «البنش» الذى أمامى، بل عليهن أن يجلسن فى المدرج يميناً أو يساراً)منين بقي بيحترم الحريه الشخصيه ومنين مش عاوز يشوفها قدامه اش حال بقي لو ماكنش بيدرس قانون دستورري كان كتب علي باب المدرج ممنوع دخول الكلاب والمنتقباتوبصراحه واحد في حجم وثقل الدكتور يحي الجمل ماكنتش اتوقع انه يحصل منه تصرف زي ده ، ايه هايضره لو اللي قاعده قدامه منقبه ولا سافره مسلمه ولا مسيحيه ، حلوه ولا وحشه ؟؟!!!!وايه علاقة ده بالتخلف ولا التحضر نفسي فتبرير يكون مقنع مش نفس النغمه اللي سايده في كل حته ، ان دي منقبه ولا ده ملتحي يبقي رجس من عمل الشيطان ويجب اجتنابه وان ده ضرب من التخلف ودعوه للعوده لعصور ماقبل الحضاره منها لله افلام عادل امام سلام

  4. قلب مصرى Says:

    >أى شكل من أشكال التعدى على الحريات مرفوض ولو باسم الدين أو بأى اسم آخر والكلام الذى ذكرته ينطبق كذلك على كثير من الرجال بدعو أنهم يرشدونك إلى الهدى لينالوا وإياك الحسنات التى تنفعك يوم القيامة.وإن كانت نية الخير واردة فى هذا الموضوع فإن الدعوة إلى ربنا بالحكمة والموعظة الحسنة يجب أن تكون هى الطريقة المتبعة كما أمرنا الله عز وجل وليس التهديد والوعيد بعذاب الآخرة وعذاب الدنيا.

  5. ^ H@fSS@^ Says:

    >احسنت قولا بالتحليلالمنقبة المعترضة على كل ما يحدث لها اولى بها او ترى ماذا هي فاعلة بغيرها على مدار اليوم كلهلكن المشكلة بالنسبة لي مش في كونها اعتدت او معتدتشيعني مؤكد فيه كذا منقبة محترمين حريات غيرهم و مش بيقرفوا حد في عيشتهلكن في اي مكان عاملازم نكون كلن امعروفين شكلامينفعش اقبل في الجامعة بنت مش معرفاني شكلها ايهولا في اي مؤسسة تعليميةاو حكوميةطيب ده حتى ف يالشارع مينفعشافرض المنقبة دي اعتدت عليا لاي سبب كان؟؟ازاي اتعرف عليها؟؟مش الحراميه و رجالة العصابات لما بيقوموا بهجوم على الناسبيغطوا وشهم؟؟فين عنصر الامان هنا و عنصر القدرة على التعرف على شخصيات الناس؟؟غير قصص كتيرة بتثبت سهولة انتحال الرجالة بلبس الستات و يا اما اتلعدي على اماكن خاصة بالسيداتاو القيام بسرقات و انتحالاتازاي الحال؟؟تحياتي

  6. zordeak Says:

    >اسمحلى انا مش معاك اطلاقا فى اللى انت بتقوله ده أولا انت حطيت كل المنتقبات فى قالب واحد وهو اللى انت قلته ده من انهم مبيهتموش بحرية الناس وبيضايقوهم ودى اول غلطة .., انت بصيتلهم بنظرة عنصرية بتقول ان كل واحدة ترتدى النقاب يبقى فيها كل البلاوى اللى حضرتك قلتهاثانيا انت بتتكلم فى مبدأ تانى غلط جدا وهو ان دعاة الحرية المفروض يعاملو الناس المنغلقة المتشددة ( ده من وجهة نظرك ) بنفس اسلوبهم اللى فيه اضطهاد .., وده مبدأ غلط جدا أى انسان حر يدعو للحرية يرفضه تماما القولبة نفسها مرفوضة .., احنا مش كاتيجوريز ممكن حد يشاور علينا من فوق ويقول دى منتقبة متشددة ودى لابسة قصير تبقى سافرة احنا بشر بكل ما فى الكلمة من متناقضات ومعانى بوستك ده على الرغم من الملحوظة الاخيرة اللى فضت كتير من المحتوى المشحون ليه .., بس انا شايفه بوست فيه اضطهادوشكرا ليك

  7. koko Says:

    >انا شايفه انها قله زوق من الدكتور مش اكتر .. هو قالها تقوم من قدامه علشان شكلها مش عاجبه .. بيسد نفسه مثلا او بيقطع تفكيره .. بغض النظر عن السبب دى فوقيه فى التعامللكن برضه الى مش متعود على منظر المنقبات بيتخض لما يشوفهم .. انا ليا زميله فى الشغل اخدت فتره لغايه ما اتعودت على التعامل معاها و الى ساعدنى انى بشوف وشها وقت الصلاه .. من غير كده كان هيبقى صعب جدا

  8. سعودية Says:

    >أنا أرى أن الدكتور غلطان و تصرفات المنقبات اللي أستعرضتها يا صاحب الدماغ برضه غلط..ولا تبرر تصرف الدكتور…وعشان ما تتوقع أني مؤيدة لهم ..فأنا غير منقبه ..ولا حتى محجبة..لأن هالشئ بنظري حرية شخصية و الدكتور اللي منع المنقبة من الجلوس لأنها منقبة فقط فهو يتدخل بحريتها الشخصية وهي حرة تلبس اللي يعجبها ما دام لبسها لا يجرح مشاعر الشارع العام..مع علمي أنهم لا يفكرون بنفس تفكيري..بشأن حرية اللباس ..ولكن أحاول أن أكون منصفة..

  9. Ahmed Mubarak Says:

    >يااستاذفي المقابل خذ الاتيالغير منقبه تقول دول محبكنهابيتقال عليهم خيمه متحركهبيتقال عليهم قال متدينين وهما اصلا كذا وكذا(رغم ان كل انسان بيغلط وده مش عيب)بيقولوا عليهم انتوا اخوان مسلمينبيقولوا متتعامليش مع ديه علشان هتشبهك وتوديكي امن دولهبالمنطق ده انت كده حكمت على كل المنقبات بالذنبوالقاعده تقول التعميم جهلفي وفيه ..زي ما في غير منقبات حالتهم كربيبدو ان فاروق حسني عرف يقنع الناس ان الحجاب تخلف..وبالتالي فالنقاب ارهابارجوا انك تفكر بالعقل .. هل لو ولدتك لبست النقاب اصبح زي ما انت بتقول ؟؟ وبتقرأ بصوت عالي وكل الكلاك ده ؟هيا هيا نفس الشخص .. بس زادت حشمه .. ارجوك متكنش قاسي كدهوفكر بدون تعميمتحياتي

  10. اقصوصه Says:

    >وجهة نظر بعديعني ممككنمن منطق كما تدين تدان!!

  11. محمد العربى Says:

    >اختلف معاك ياباشا.. انا شايف انك جمعت كل المنقبات..والمحجبات فى سله التشدد الدينى ..فيه كده وفيه كده

  12. د\أسماء علي Says:

    >هي الأزمة مش أزمة البنت إنها مُنتقبةو بجد دي فعلا حريتها في شكل شخصيتها بس هو اللي حصل حاليا إن التفكير و الآراء كلها بقت متطرفة بمعنى بعض الغير محجبات شايفين إن المنقبة دي خيمة و إنها حد خارج عن المنظومة الطبيعية و بعض المنتقبات متشددين الآراء إلى درجة التنفير ..عامة بقى الجو مشحون جدا بالعداء للآخر مابقاش في تفهم من الأطراف المختلفة في الآراء وصلت بينا لدرجة النفور من الآخر أي كان .. ..المشكلة دي بسبب تراكمات كتير جدااا الموضوع مش نقاب و لا حجاب و لا تدين الموضوع أكبر من ده كله .. أسلوب التفكير نفسه عندنا بقى لا يقبل وجود الآخر ….مقالك عجبني جدا.. نبرتك فيه هادية ..

  13. koukawy Says:

    >الدكتور معندوش حق في اللي عمله لأنه هو رايح مكان علم مش مكان يطلع نفسيته و اللي بيحبه و اللي ما بيحبهوش علي الناس********و شايفه برضو ان اغلب الكومنات فيها هجوم عليك مع ان انا شايفه ان كلامك فيه شئ من المنطقيه لو بطلنا نبص من خرم ضيق …. لأن ده ضد النقاب او مع الحجاب مش دي الفكره الأساسيه من البوست**************كل واحد وواحده حر …. و انا شخصيا اتعلمت ما اتعاملش مع حد بشكله و لا دينه و لا لبسه انا شايفه ان البوسنتايه بتناقش فكرة الحريه الشخصيه ************بس انا فعلا شايفه انك ربط ربط مش تمام بين ان الدكتور رجعها ورا من البنش و بين ان المنتقبات بيعملوا و بيعملواده ما لوش علاقه …. هي علاقه متابدله بين المنقبه اللي بتتحشر ولو بقصد خير في اللي قالعهو بين اللي مش بتحترم نفسها و لبسها و تريقتها علي اللي بتحافظ علي جسمهاو دينها و شكلهايا رييييييييييييييت كل واحده تحط عينها في نفسها و ملهاش دعوههو انا برغش كتير كده ليه سلاااااام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: