>خربش الكارت وأربح المليون !

>

فى البدايه أحب أن أتوجه بالشكر لكل من إهتم بالسؤال عنى والإطمئنان على صحتى فور نشرى للموضوع السابق , أشكر كل من كتب تعليقا , كل من ترك رساله على الماسنجر أو الموبايل , كل من إتصل على الهاتف …. وأخص بالذكر ها هنا صديقتى العزيزة إيمان , أيضا إيناس لطفى وشيماء الجمال وأخرون , وكلهم كانوا يطمئنون على حالتى بشكل شبه يومى , جعلنى أشعر أن الله رزقنى بأفضل مجموعه من الإخوه والأصدقاء فى زمن ندر فيه الأصدقاء المخلصون .

أما عن مرضى فلم أشفى بالشكل الكامل بعد , إلا ان حالتى أفضل بدرجه كبيره عن ذى قبل .. وربما يأتى يوم أجد فيه القدره النفسيه على كتابه التجربه كامله … وحتى هذا اليوم أترككم مع تدوينه جديده .. وشكر لكم .

خربش الكارت وأربح المليون !

قديما .. كانت الأفلام والمسلسلات تتفنن فى عرض قصص نجاح هؤلاء الذين حفروا الصخر بأظافر عارية , وأقتحموا المجهول بصدور مفتوحه , ونالوا نتيجة مخاطراتهم وتضحياتهم وإحتمالهم الثروة والنفوذ والجاه المطلق …

أما اليوم .. وفى عصر السرعه والإستجابة اللحظيه لكل ماهو حولنا , زهد الناس فى قصص الكفاح , وأصبح الجميع ينتظر الثروه الطائلة بمجرد الإجابة على سؤال سخيف من عينة (اين تقع أهرامات الجيزة) أو (ما هو أطول نهر فى العالم) والإتصال على أحد أرقام 0900 الشهيرة , لتصبح مليونيرا بمجرد إتصال بسيط .

اليوم أصبح الناس تنتظر الثروه بمجرد خربشه بسيطه بأناملهم لكارت الحظ السحرى وإنتظار الرقم الفائز فى كل عدد أهرام جمعه … لم تعد قصص الكفاح تستهوى أحدا

وتكسب نظرية (خربش الكارت واكسب المليون) أرضا جديده فى عقولنا ونفوسنا , فنحن شعب تعود على أن يرى الأخرين يحققون الثروات الطائلة نتيجة علاقه بمسئول كبير .. أو بالحصول على قرض بدون ضمان من أحد البنوك , فنحن الذين إستيقظنا صباحا فوجدنا فلانا مليونيرا وعلانا مليارديرا وهذا يملك سلسلة مشروعات عقاريه وذاك يحتكر إنتاج سلعة أساسية … وهلم جرا .

الغريب فى الأمر أن هذا الإستسهال والإستعجال فى الكسب قد إنتقل من سعى الإنسان للرزق إلى علاقة الإنسان بربه .. على سبيل المثال تصلنى كل يوم رسائل بريد إلكترونى تبشرنى بغفران ملايين الذنوب فى لحظات بسيطه من خلال ترديد أدعية معينة لها مفعول السحر على الذنوب والخطايا !

أيضا يقابلنى يوميا فى المنتديات العربية من يبشرنى بغفران مليون ذنب فى عشر دقائق فقط , وإذا به يطلب منى أن أردد احد اسماء الله الحسنى مائة مره لمحو المليون ذنب , وكإنما تحولت علاقة العبد بربه إلى نوع أخر من (أخدش الكارت) أو (إتصل بالرقم السحرى) !

أيضا أجد فى خطبة الجمعه من يبشرنى بأن قيام ليلة القدر قادر على مسح ذنوب أكثر من ثلاثه وثمانين عاما … ويؤكد على كلامه بعملية حسابيه بسيطه قائمة على قاعدة (ليلة القدر خير من ألف شهر) … هكذا تفتق ذهن الداعيه العبقرى الى ضرورة الظفر بهذة الليلة , وها هى قاعدة (خربش الكارت واكسب المليون) تظهر بقوه من جديد … فبدلا من الاستغفار الدائم .. يكفى أن تقوم ليلة واحده والله سيغفر ذنوب 83 عاما أو يزيد بغض النظر عن نية من يقوم بهذه العباده أو كما يقول أحد الإعلانات ( ليه تدفع أكتر لما ممكن تدفع أقل ؟!), فكيف لا ينتبه هؤلاء لأن شخصا ظلم وسرق ونهب عرق الأخرين لن يتقبل الله منه قيام ليلة القدر , وأن العبرة بالسلوك العام للإنسان وليس قدرته على إقتناص فرصه إلهيه … هكذا تمتلىء مساجدنا فى ليلة القدر , بينما نجدها خاوية على عروشها باقى الايام
والأمثلة كثيره على نظرية (خربش الكارت وإكسب المليون) , وخصوصا فى الناحية الدينية من حياتنا , فإذا صليت الفجر فى جماعه وقرأت القرأن حتى الضحى فصليت صلاه الضحى فكإنك حصلت على أجر حج وعمره .. هكذا نجد المساجد ممتلئه بهؤلاء الذين يريدون خربشة الكارت والحصول على حج وعمرة من (منازلهم) !

وأنا هنا لا أشكك فى صحة أحاديث أو أيات قرأنيه أو رحمات ربانية , إنما ما أنتقده هو ما نقوم به فى مجتمعاتنا العربيه من إنتهازيه ورغبه فى المكسب السريع دون القيام بمجهود يوازى هذا المكسب الذى نطمح اليه والمصيبه الأكبر هى إنتقال هذه الحمى من الرزق إلى علاقتنا بالله … والسؤال هنا .. هل تتقدم الدول بخربشة الكارت والاتصال على ارقام 0900 ؟!

17 Responses to “>خربش الكارت وأربح المليون !”

  1. شيماء الجمال Says:

    >لللللللللللللللللللللللللللويحمدلله على سلامتك يا حمدي ، ندرن عليا يا خويا لافرق نابت ولحمة في الحسين ..لا بجد بجد .نورت مدونتك ..اهرينا كتابة بقى

  2. قلب مصرى Says:

    >أولا حمدا لله على السلامة وبجد بجد كنت مشغول عليك جدا وربنا يعلم.ثانياً التدوينة دى مميزة قوى قوى وللصدفة كنت بناقش نفس الموضوع من يومين مع واحد صاحبى إن ليه الناس بقت مش عايزة تتعب فى حاجة حتى فى العبادة زى اللى بينام لحد المغرب ويصحى علشان يفطر بس وغير كده كتير من النماذج.تسلم دماغك

  3. الطائر الحزين Says:

    >شفاك الله وعفاك طهور بإذن اللهكل عام انت بخير

  4. مروة عوض Says:

    >مش هقولك غير تسلم دماغكومش هننتحر :)طول ما في ناس بتفكر يبقى هنتغير

  5. mahasen saber Says:

    >يا نهار ابيض عجبنى قوى ربطك بين خربشت الكارت وليلة القدر ووجهة نظرك عن تجربه هيا اليى انا بقولهانا احتكيت بناس اجارك الله بتاجر فى اكل فاسد ويقولك اهى اخرها عمره وربنا يغفر…الموضوع قيم قيم جدا جدا جدا وقوى موت كمان ويا ريت كل واحد يقراه ويتدبر فيه …اه تعالالى هنا الف لا بأس عليك ان شاء الله ربنا يشفيك وتبقا زى الحصان لا والحصان يغير منك كمان..بس غريبه احنا لما بنتمنا لبعض الشفا بنحب نبقى زى 4ا اع687لحيوانات ليه يله بالشفا ان شاء الله…بس دماغك ربنا يحميهالك وكتهنجش ايه الدماغ الرائعه دى ربنا يوفقك شئ اكثر من رائع وموضوع السلفيه عجبنى قوى قوى..وتحليلك لفيلم حلمى شوقنى انى اشوفه بس جيم كارى طول عمرىبقول عليه عبقرى بس مخبى نفسه زى ترافلتا عبقرى بس منحوس..بس من اجمل الاجزاء اليى فى دماغك وعجبتنى ..محمد فؤاد انا بحترمه بشكل لا يمكن وبحس فيه انه كل ولاد البلد بحالهم ربنا يباركله فى اسرته وحياته ..وممثل عبقرى عبقرى شوف مشاهده فى امريكا شيكا بيكا او اشارة مرور عبقرى واشتغل مع عبقرى طلعوا سينفونية احساس..لا بجد يا حمدى ربنا يحمى دماغك ويباركلك فيها دى الدماغ اليى تنور صحيح..بس اعتقد لا انا متاكده انا زرت مدونتك قبل كده وزرت مدونة فؤاد قبل كده ومتاكده انى سبت تعليق وموصلش…ما علينا تواجدى فى مدونتك اسعدنى جدا جدا جدا ربنا يوفقك والف سلامه عليك..ربنا يشفيك ويعافيك ان شاء الله بس معلش هو محدش بيمرض فى البلددى الا الغلابه يا رب تبقا غنى عشان متمرضش..

  6. Oss Says:

    >الف سلامه يا محمدأنا آسف جداً انى قصرت معاك بس بجد بجد ألف سلامهويارب يكمل شفائك على خيرأنا والله دعيت ليك لما قريت البوستبعتذر كمان مره—بص يا سيدىحتة الخربشه د.أجمد خالد توفيق كتب فيها قبل كدهوكان برده بينتقض انتهازية الشعوب العربيهوبردو ثقافة الإعلان”فيصورلك المهندس حسين اللى راح عمر الصحراء وقعد 30 سنه يبنى الطوبه عالطوبه وبعد جهد جهيد ولما شعره شاب جاب مرسيدساما انت فخليك كوول واتصل ب 0900 واكسب المرسيدس وربنا معاك يا عمو حسين”ده إعلان من مئات الإعلاناتعايز ايه انت من الجيل اللى جاىانا ليا قريبى عمره 5 سنين مش راضى يروح المدرسه وبيقول ان التعليم للبناتاما الولاد فبيركبوا عربيه ويمسكوا موبايلجه منين تصوروا ده؟من اللى بيشوفواوده بيتصل ببوستك اللى فات بتاع عاوز اشتغل سفاحأنا معاك فى الجزء دهوبردو الناس اللى بيملوا المساجد فى رمضان ومش بيركعوا بقية السنهدول غلابهربنا معاهم ومعانابس ده مايمنعش ان فى ناس متدينين بيبصوا للأجر دهوده حقهمربنا قال ان اللى بيصلى العشاء فى جماعه والفجر فى جماعه فكأنه اقام الليل كلهفيها ايه لما يبص للأجر ده؟؟ياريت تكون وجهة نظرى وصلتوتحياتىوربنا يرزقك بالشفاء العاجلمع اعتذارىاسامه يوسف

  7. besmelah Says:

    >Hmd llah 3ala alsalam Brother!U make me open ur blog eversingle day looking for new Article …May allah help ya and make u okayyy very sooon inshallahKeep it up Brother!

  8. ساسو Says:

    >اولا حمدله علي السلامه وان شاء الله يتمم شفاك علي خير وترجع تاني بخيرثانيا كلامك صح بس حكايه خربش الكارت دي في الدين ومع العبادات فهي مموسيله لجذب الناس لعباده ربنا وبتبين للناس قد ايه ربنا غفور رحيم بس كان لازم قبل اما يقولو كده كانو حددوا شروط هذه المسابقه وهي الشغل طول السنه مع خربشه الكرت وكمان النيه انها تكون لوجه اللله مش عشان كسب حسنات وبسوبجد كلامك جميل تقبل تواجدي في دماااغك بس ياريت مكنش عملتلك صداع

  9. سعودية Says:

    >أولا الحمد لله على سلامتك و ما تشوف شر ثانيا الا ترى أن الحياة فرص؟؟و ليلة القدر فرصه؟اتاحة هذه الفرص تناسب المغامرين و المتاخرين و اصحاب اقتناص اللحظه الاخيرةأما أصحاب خليك كووووول و أتصل و اكسب فهم من اقتنص الفرصة للكسب على حساب الاخرينتحياتي لك دائما

  10. اجندا حمرا Says:

    >الجميل محمد حمديألف ألف ألف حمدلله علي سلامتكنورت البلوج سبوت و اللهربنا يتمم شفاك علي خير ياجميلفعلا يامحمد الموضوع ده زاد عن حده كلم 0900 و انت تكسب عربيه و لا تكسب دبابهمش فاهمه الناس لحد دلوقتي بتصدق الهبل ده؟انا عمري ماصدقتهاساسا انا كنت سمعت ان حتي شهاده المليون اللي بيتكلموا عنها دي فشنك برضه و بيدوا لأي حد الف جنيه مثلا و يطلع يقول انه كسب المليون للأسف الناس بقت عايزه مكسب سريع و خلاص لكن اللي مش عارفينه ان الاتصال ده بيستنزف فلوسهم و هما مش داريانيينو الموضع دلوقتي الايميلات اللي بتتبعت فيه دعاء او ايه قرانيه و يقولك لو مابعتهاش في ظرف ثانيه واحده حيجيلاك الاشكيف في المنامللاسف الانتهازيه انتشرت في جميع المجالات نفسي الناس تفوق و تفهم ان كل ده وهم في وهم تحياتي ليك محمد و حمدلله علي سلامتك ياجميل

  11. Desert cat Says:

    >ونسيت ليه ياكبير انك لو فجرت قنبلة فى وسط ابرياء آمنين كل ذنبهم انهم على دين غير دينك يبقى كدا بتجاهد وهتدخل الجنة من اوسع ابوبها .. اللى عاملين لينا على حديث الذبابة طبق فتة يكفى العرب جمعاء .. وسايبين الآية القرآنية لا إكراه فى الدين … برضه عايز ياخد حسنات مع قدوم شهر رمضان .. هؤلاء المرتزقة يصورون الله وملائكته محاسبين تارة يجلسون وفى ايديهم الآلات الحاسبة يعدوا الحسنات التى سيفعلها العباد .. وتارة اخرى تاجر عقارات يقيس لكل من صلى وصام قيراطه فى الجنة … أيضاً خربش الكارت وأربح الميلون فى وقفة عرفات او عيد الاضحى .. فتجد من يقول لك صوم يوم عرفات يغفر لك سنة ماضية وسنة آتية .. يعنى انصب واقتل واسرق وارتكب الفواحش وامشى بين الناس بالباطل وصوم يوم وقفة عرفات ربنا هيغفر لك سنة فاتت وسنة جاية كمان كل ذنوبك هتروح هباء .. امثال هؤلاء المرتزقة نسوا ان الدين المعاملة ونسوا ايضا ان الله موجود طوال العام وانه ليس بمحاسب او تاجر عقارات ليعد الحسنات او يبيع لنا الجنة ولكنه يحاسب على الاعمال وايضا النوايا بوست رائع محمد طبعا كالعادة اتمنى ان دماغك الجميلة تسود المجتمع مودتى واحترامى صديقى العزيز

  12. simple girl.. ..simple dream Says:

    >حلو موضوع المكس السريع دة فعلا هو دة طموح الشباب مش انه يتعب ويشتغل لا انه يكسب مسابقة 0900

  13. محمد عبد الغفار Says:

    >عود احمد

  14. محمد عبد الغفار Says:

    >عود احمد

  15. dr.lecter Says:

    >بص يابنيالناس بقي عندها ياس تام وشامل بقت تتعلق في اي قشه واي طوق نجاه اي امل ولو بصيص من النوراللي عاوز يحج واللي عاوز فلوس واللي عاوز يبسافر واللي عاوز ربنا يغفر لهلان حياتهم بقت صعبه ومابقاش عندهم طموح ولا حلم الا انهم يعيشا يوم اضافي وبس ويطلع عليهم شمسعاوزين يحسوا انهم ممكن يكونوا زي الناس الباقيين ويقدروا ينتفسوا يوم كمانعلشان كده تللاقي الكل بيخربش الكارتالموضوع اكبر من مجرد خربشهده عاوز محللين نفسيين ودراسه كبيره لشعوبنا

  16. Manamino Says:

    >اولا الف الف الف سلامة عليك وعلي دماغك وحمدالله علي سلامتك ويارب يارب يكمل شفاك علي خير ويخليك لينا ياربثانيا بجد حلو قووووووووي البوست ده عجبني قووووووي المزج بين خربشة الكارت وعدم الصبر علي الطبخة ماتستوي حتي في علاقتنا مع ربنا كل حاجة ليها اصولها وكل طبخة ليها مقاديرها ممكن الاستعجال ينفع مع الفلوس والتهليب وفوازي 0900بس مع ربنا اكيد مش هاينفع معاه الكلام ده تحياتي يافنان والف سلامة عليك مرة تانية

  17. mahasen saber Says:

    >ايه يا حمدى مفيش بوست جديدولا دماغك عاجبها البوست ده قوى ولاا وقفت عليهيله امتعنا بالجديد…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: