>المركز الأول فى مسابقة أفضل تحقيق صحفى فى موقع عشرينات

>

أيها السادة … ياللسعادة !

كنت قاعد فى أمان الله لقيت رساله على الأوفلاين ماسنجر من الحلوة دى بتقولى مبروك الفوز أنا حبيت أكون أول واحده أهنيك !

قلت مش معقول يكون الى فى بالى حصل وفزت فى مسابقة عشرينات !

دخلت السايت وفعلا إكتشفت الخبر ..

أنا فزت بالمركز الأول فى مسابقة عشرينات لأفضل تحقيق صحفى !

الجايزه من الناحية المادية عباره عن مبلغ 150 دولار , أما قيمتها العاطفية بالنسبة لى تتجاوز بكتير المبلغ ده … أولا لإن النسبة الأكبر لنجاحى تمت برأى لجنة تحكيم محايدة تابعة للمسابقة , لإن تصويت الجمهور حصل فيه غش جامد جدا لاحظه كل الناس , وذكرة محررى الموقع فى حيثيات إعلان النتيجة …

أما السبب التانى إن ده أول إعتراف حقيقى و(موثق) بيا كصحفى ناجح بجد .. يعنى حاجه مُفرحة جدا إن موضوعى يكون الأفضل من بين ألاف الموضوعات الى وصلت للموقع .

أما دلوقتى وقد فزت بالجايزة .. جه الوقت الى لازم أشكر فيه الناس الى وقفت جنبى .. طبعا أنا مش هقدر أقول كل الأسماء وإلا هعوز سايت مخصوص .. لكن هقول أكتر الناس الى وقفت جنبى .. وكامل أعتذاراتى للى مقولتش أسماؤهم .. عزاؤكم إنكم فى العقل حاضرين وعلى القلب غاليين …

أولا وقبل كل حد لازم أشكر أختى ونور عينى (إيمان) على وقوفها جنبى سواء بشكل عملى أو حتى بمجرد الدعم المعنوى الى بيعنيلى كتير وكتير جدا … ايمان إنسانه جميله أوى وتخدم صحابها لأخر نفس فى صدرها …

ثانيا نفسى جدا أشكر فريق موقع عشرينات .. من أصغر واحد لأكبر واحد , خصوصا فريق الدعم الفنى والتقنى الى إستجاب لشكاوى الناس بخصوص الغش فى تصويت الجمهور .. واشكر دماغهم الواعية .. وأخص بالشكر دعاء الشامى وجوزها البراء أشرف .

حابب كمان أشكر صحابى من الصحفيين على وقوفهم جنبى وتشجيعهم ليا .. بداية بأحمد الدرينى أخويا الكبير , والقلب الحنين الى يساع من الحبايب ألف .. وأميرة هشام أختى برضو وأشطر صحفية فى جريدة البديل .. وطبعا مقدرش أنسى مصطفى فتحى .. أحن –وأجن- صحفى فى مصر ومدير تحرير مجلة كلمتنا وصاحب أول إستنتاج إنى هكون الأول فى المسابقة , وطبعا أختى حبيبة قلبى مروة عوض وبرضو مساعد تحرير فى كلمتنا .. وهى بجد من الناس الى الواحد بيشكر ربنا انه اتعرف عليهم فى يوم من الايام , وطبعا عبير العسكرى.. أجرأ صحفية فى مصر

بعد كده لازم أتوجه بالشكر لإتنين من أحب الناس لقلبى , هما : ماما هالة المصرى وعمو نصر , وهما من المدافعين بقوة عن حقوق الأقباط فى مصر وساعدونى جدا فى حياتى كلها مش دلوقت بس

ومن الصحفيين الجامدين إلى المدونين الناشطين (إكتب إسم أى واحد فيهم فى جوجل عشان تجيب مدونته) .. ببعت إهدائى لصبرى سراج و محمد التهامى وشيماء الجيزى .. وطبعا وينكى القمر ورحاب العسل وبنت مصرية ود. أجدع بنوته , وطبعا لا يمكن نسيان العزيزة (قطرات المحيط) وهى من الناس الأكتر من عزيزه على قلبى و معاها (تشى أحمد) وطبعا بسمه صاحبه مدونه الروح وطبعا إيناس لطفى صاحبه مدونه دنيا محيرانى .. الست دى بجد من الناس النقيه والمحترمه والى بعتبرها من اعز اخواتى على قلبى

أما شباب الفيس بوك الجدعان أوى .. أولهم حنينه القلب كبيره الدماغ سارة الإسكافى صاحبه أشهر جروب على الفيس بوك وطبعا قطه الصحراء .. بنت البلد الجدعه والموهوبه أوى بشكرها جدا وكل الشباب الى ردت على الرسايل الى بعتها اقولهم فيها إنى مُرشح للفوز …

وطبعا شكرا لكل الناس الى صوتت وانا معرفهاش .. وحتى كل الى مصوتوش .. شكرا لكل البشر …

أيها السادة … ياللسعادة !

15 Responses to “>المركز الأول فى مسابقة أفضل تحقيق صحفى فى موقع عشرينات”

  1. sosa Says:

    >مبروووووووووووووووووووووووووووووووووووووووووووووووووووووووووووك يا محمحبجد فرحتلك اوىىىىىىىدعواتى ما راحتش هدر يا ابنىقلب الام بقىيارب اشوفك فى الاهرام يارب

  2. Desert cat Says:

    >مبروك يا محمد الف الف مبروك ياباشا انت تستاهل كل خير بس متنساش نسبتى من الجايزة مش انا صوت لك يبقى كل واحد صوت لك لازم يبقى له نسبه ههههههههه الف مبروك يا محمد ويارب دايما فى نجاح

  3. خمسة فضفضة Says:

    >السلام عليكم ورحمة الله وبركاته الف الف مبروك ومن نجاح لنجاح ان شاء الله

  4. دنــــيــــــا مـحـيـرانـي(ده حالي اما اسمي ايناس لطفي Says:

    >مبروك يا بطل مش قولتلك انك تستحقها ربنا يوفق دائما يا محمد قولي الحفله امتي وفين يمكن اقدر اجي و اشوفك و انت بتستلم الجائزه عقبال الجائزه العالميه للصحافه نسيت اسمها تحياتي

  5. محمد عبد الغفار Says:

    >الف مبروك

  6. rashawater Says:

    >مبروك الف الف مبروك بجد تستحقها عن جداره الموضوع انت تناولته باسلوب جديد و ممتعربنا يوفقك دايما لكل خير

  7. smraa alnil Says:

    >اللي اعطاك يعطينا يا سيدي:))الف مبروك يا محمدفرحتلك بجدتستاهلها يا ابنيمبروك

  8. مـحـمـد مـفـيـد Says:

    >مبروك يا محمدوالي الامام دائماً

  9. Che The Hermit Says:

    >ألف مية واحد وخمسين مليون وسبعمية وتلاتة وتمانين ألف مية واحد وعشرين مبروك يا محمد باشايا رب تكون زى ما نفسك تكون واحلامك تحقق كلهاتشي

  10. son's egypt Says:

    >السلام عليكمالف مليون مبروكاعتقد انها مقدمة للنجاحات اكتر جاية باذن الله

  11. Nsreen Bsunee Says:

    >مبروك يا محمد الف مبروكللاسف انا متابعتش من المسابقه غير التصويرانا سعيده بمروري على مدونتك وانشاءلله حاكون من المتابعين الدائمين

  12. أبو مروان Says:

    >ألف مبروووووووووووك دايما للامام يا سيديabo-marwan.com

  13. اسلام منسي Says:

    >مبرووووووووووووك يا محمد يا جميلانا اعرفك من بعيد من كلام صبري سراج عنك ومن كلام اي حد فى مدونته عنك وعن وكل اللى اعرفه بجد جميل جدا جدا جداوعلى فكرة انا صديقتي هي شيرين منصور اللى كانت عاملة تحقيق زوبعة الفيس بوك معاك فى نفس المسابقة وعلى الرغم من كدة انا فعلا عملت التصويت ليك لان تحقيقك بصراحة جميلانا لسة صحفي ناشئ فى مجلة كلمتنا وصديقي القريب ليا منذ الطفولة هو صبري سراج وليا صداقات جميلة زي محمد تهامي ومصطفى فتحي الجميل قوووووووي ربنا يوفقك يا جميل وانت فعلا صحفي جميل جدا من قبل شهادة موقع عشريناتواتمنى تقولي رأيك فى مدونتي ربنا يوفقك يا جميل

  14. Ahmed Gamal Says:

    >يا كسوفي منك الف مليوووووووووووووون مبروك يا محمدانا عارف انها متأخرة اوي اوي بس معلش اعذرني الواحد عقبال ما عرف يفوق من دوش الامتحانات كان فاته قطره كتير الف مبروك وعقبال رئاسة نقابة الصحفيين بس المهم تديني عضوية هناك (وش واحد استغلالي)

  15. واحد من العمال Says:

    >الف مبروك الفوز أنا صوت لكوبالتوفيق يلا نحب كزد مدونه عماليه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: